Lajme

Krasniqi refuzoi, Abdixhiku s’u përgjigj, Haradinaj takohet me Presidenten Osmani sot në ora 17:00

Autori: Gazeta inFokus 14:41 | 22 Qershor 2023

Dy liderët e partive opozitare, Memli Krasniqi i PDK’së dhe Lumir Abdixhiku i LDK’së kanë refuzuar që të shkojnë në takimin e thirrur dje për sot nga Presidentja e vendit, Vjosa Osmani për të folur rreth zhvillimeve të fundit dhe trazirave në veri.

Ftesës pozitivisht, nga opozita, i është përgjigjur veç Ramush Haradinaj i AAK’së, raporton gazeta online Reporteri.net. Ky del të jetë edhe “iniciuesi” i takimeve, sipas ftesës së dërguar nga Osmani tek liderët e partive politike.

Kreu i AAK’së, sot në ora 17:00 pritet t’i shkojë në takim Osmanit dhe ka konfirmuar pjesëmarrjen, për dallim nga dy opozitarët tjerë që refuzuan.

-Advertisement-

Formati i takimeve, sipas ftesave që ka dërguar dje Presidenca, ka qenë “veç e veç” secila parti parlamentare në Kosovë.

Nga ana tjetër, kryetari i PDK’së Memli Krasniqi ka njoftuar se nuk do t’i shkojë në takim Vjosa Osmanit me arsyetimin se Presidentja “qëndroi e heshtur karshi zhvillimeve të fundit”. Nga LDK’ja të kontaktuar nga gazeta online Reporteri.net nuk kanë dhënë përgjigje.

Takimet u thirren nga shefja e shtetit ndërkohë që Kryeministri i vendit Albin Kurti nuk ndodhet në Kosovë. Kurti ka udhëtuar në Bruskel, për “gjetjen e një zgjidhje” me Vuciqin për de-eskalimin e situatës në veri.

Të enjten në mesditë, Presidentja Vjosa Osmani ka pritur në Presidencë edhe ambasadorin amerikan në Prishtinë, Jeff Hovenier. Ky i fundit, nga Prishtina, pas takimit me Osmanin, porositi Kurtin që sot në Bruksel t’a pranojë planin tre-pikësh të BE-së për de-eskalim të situatës në veri, pasi sipas tij, kjo është mënyra e duhur për të ndalur tensionet.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy