Lajme

Krasniqi: Qeveria Kurti ka zgjedhur abstenimin karshi krizës më të rëndë ekonomike që ka kapluar vendin

Autori: Gazeta inFokus 10:55 | 23 August 2022

Kreu i Partisë Demokratike të Kosovës, Memli Krasniqi, ka thënë se Qeveria e Kosovës ka hequr dorë nga çdo përpjekje serioze për të ndihmuar vendin të përballojë krizën ekonomike me të cilën po ballafaqohet.

Krasniqi ka thënë se përkundër rritjes së çmimeve, Qeveria e Kosovës ka shfaqur vendosmëri të lartë për të refuzuar çdo rekomandim që do të ndikonte në frenimin e rritjes së çmimeve, por edhe rekomandimet për rritje të pagave në kohën kur inflacioni në Kosovë ka arritur në nivele rekorde.

Kreu i PDK-së ka kritikuar edhe qasjen e Qeverisë në menaxhimin e krizës energjetike, gjë që sipas tij paraqet një paralajmërim të përafërt lidhur me atë se çka na pret në muajt e dimrit.

-Advertisement-

“Në kohën kur të gjithë kishin sytë nga rritja e çmimeve, qytetarëve të Kosovës iu prezantua edhe një sfidë e re – ajo e reduktimeve të energjisë elektrike në mes të verës.

Dështimi për ta furnizuar vendin me energji elektrike, madje edhe gjatë kësaj periudhe, paraqet paralajmërimin më të përafërt lidhur me atë se çka mund të presim për muajt që pasojnë, sidomos në stinën e dimrit”, shkruan ai ndër të tjera.

Tutje Krasniqi ka thënë se sikur të mos mjaftonte e gjithë kjo, pikërisht gjatë këtij viti, Qeveria e Kosovës, ka bllokuar pothuajse në tërësi investimet publike kapitale

“Sikur të mos mjaftonin këto goditje për ekonominë, pikërisht gjatë këtij viti, Qeveria e Kosovës, ka bllokuar pothuajse në tërësi investimet publike kapitale. Shkalla e realizimit të investimeve publike kapitale deri në muajin qershor paraqet vetëm 11% të shpenzimeve të planifikuara për vitin 2022 për këtë kategori.

Me këtë, ekonomisë së vendit po i mohohet një burim shumë i rëndësishëm i gjenerimit të aktivitetit ekonomik, përderisa vlera reale e depozitave të grumbulluara nga Qeveria çdo ditë e më tepër po bie si rezultat i inflacionit dhe rritjes së vazhdueshme të çmimeve.
Si pasojë e këtyre kushteve, parashikimet e fundit lidhur me rritjen ekonomike në Kosovë për vitin 2022 sugjerojnë një normë të rritjes prej vetëm rreth 2.5%”, shkruan kreu i PDK-së.

Postimi i plotë:

Subscribe në YouTube: GAZETA INFOKUSI
Etiketa:
Black Friday ne Artmotion

Të tjera

Fokusi

lajme