Lajme

Krasniqi pret ambasadorin e ri suedez, i kërkon angazhim shtesë për proceset integruese të Kosovës

Autori: Gazeta inFokus 15:31 | 06 October 2022

Kreu i Partisë Demokratike të Kosovës, Memli Krasniqi, ka pritur në takim ambasadorin e porsaemëruar të Suedisë në Kosovë, Jonas Westerlund.

Krasniqi tha se me të diskutoi për mundësinë e shtimit të angazhimit nga ana e Suedisë për proceset e integrimit të Kosovës meqë Suedia nga viti i ardhshëm do të marrë presidencën e BE-së.

“Kënaqësi të pres në takim njoftues ambasadorin e porsaemëruar të Suedisë në Kosovë, Jonas Westerlund. Meqë Suedia do të marrë presidencën e BE-së nga janari i vitit të ardhshëm, me ambasadorin Westerlund diskutuam për mundësitë që Suedia të shtojë angazhimin në proceset integruese të Republikës së Kosovës”.

-Advertisement-

Përveç për procese politike, Krasniqi tha se me ambasadorin foli edhe për tregtinë.

“Potenciali i rritjes së shkëmbimeve tregtare mes dy vendeve tona, ishte tjetër temë për të cilën u pajtuam se duhet të angazhohemi bashkërisht”.

Gjithashtu, kryetari i PDK-së ka shprehur mirënjohjen për mbështetjen e Suedisë ndaj Kosovës.

“Duke i uruar mirëseardhje në Kosovë, ambasadorin Westerlund e falënderova për mbështetjen e vazhdueshme të Suedisë ndaj Kosovës dhe qytetarëve të saj”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy