Lajme

Krasniqi për zgjedhjet: Rregullat me të cilat ka filluar loja, janë ndryshuar në përfundim të saj

Autori: Gazeta inFokus 20:58 | 08 November 2019

Kreu i Këshillit Kombëtar të Nismës Socialdemokrate, Jakup Krasniqi, i është rikthyer një leximi që thotë se kishte bërë para vitesh a dekadash në letërsinë antike greke, se “qytetarët më të kulturuar i ka ai qytet (i Greqisë), qytetarët e të cilit dinë të reagojnë kur padrejtësia i/u bëhet tjetrit apo të tjerëve”.

“Kjo do të thotë se është qytetari kur reagimi bëhet ndaj padrejtësisë që i behet tjetrit, se të reagosh ndaj padrejtësisë që ushtrohet ndaj teje është e natyrshme se në fund të fundit njeriu i ka dy duar për të mbrojtur një kokë”, ka thënë Krasniqi, teksa ka shtuar se “nëse kemi parasysh ketë, në këto momente që po i kalojmë, natyrshëm na shtrohet pyetje: Ku jemi ne me ketë lloj të qytetarisë?”

Ka thënë se janë dy zhvillime që ndodhen ditëve të fundit që ia kanë risjellë në kujtesë thënien e lexuar në vitet e studimeve.

-Advertisement-

“Zhvillimi i parë janë zgjedhjet e lira, ndërsa i dyti, ftesat e reja nga dhomat e Specializuara të Prokurorisë më seli në Hagë. Jam i bindur se në të dy rastet do të duhej të kishte një reagim qytetar, e sidomos do të duhej të kishte një reagim nga komunitetet e organizuara të shoqërisë sonë, si nga komuniteti i intelektualëve, i medieve dhe shoqëria civile. Përkundrazi, ka heshtje e në ndonjë rast ka kritika ndaj atyre që përpiqen t’i mbrojnë ligjet në fuqi nga shkeljet e rënda që u bëhet atyre”, ka thënë Krasniqi, në një tekst autorial dërguar mediave.

Ai ka thënë se gjatë gjithë viteve të lirisë e të pavarësisë, parti politike e individë, me ngulm kanë bërë thirrje për sundim të ligjit, por që sipas tij, tani kur është momenti për të mbrojtur ligjin/ligjet dhe vlerën sublime kombëtare (luftën për Liri), kemi heshtje varri dhe jo vetëm tani.

“Në anën tjetër kur KQZ-ja ka shkelur Ligjin për zgjedhjet se bashku me Gjykatën Supreme duke ju dhënë ligjitimitet votave të paligjshme, grupet e përmendura shoqërore në masë të madhe kanë heshtur ose ndonjë tehun e kritikës e kanë drejtuar ndaj atyre që kanë kërkuar e kërkojnë mbrojtjen e ligjit i cili në rastin e zgjedhjeve është shumë i qartë. Këtu nuk duhet të jetë e rëndësishme se kush po e kërkon respektimin e ligjit, por a është shkelur ligji dhe pse”, ka shkruar Krasniqi.

Në një situatë të tillë, thotë Krasniqi, mediet me kredibilitet e besueshmëri do të duhej t’i ftonin njohësit e ligjeve dhe ekspertët me përvojë që të jepnin mendimet e tyre profesionale e kredibile.

“Kushdo që e lexon ligjin për zgjedhjet e ka të qartë se rregullat me të cilat ka filluar loja, janë ndryshuar në përfundim të saj. Kjo është e dukshme. Reagimet në mbrojtje të ligjit/eve dhe vlerave duhet të bëhen me kohë! Përndryshe, reagimet si ‘kofini pas të vjelurave’ si duhet askujt”, ka thënë ai.

Subscribe në YouTube: GAZETA INFOKUSI
Etiketa:
Prince Caffe pjesëmarrës në panairin “Gulfood Fair 2024” në Dubai

Të tjera