Lajme

​Krasniqi për sulmin ndaj Komunës së Zveçanit: Sulmin kriminal e qyqar

Autori: Gazeta inFokus 13:48 | 29 November 2024

Ministri i Administrimit të Pushtetit Lokal, Elbert Krasniqi ka dënuar sulmin e mbrëmshëm ndaj ndërtesës së Komunës së Zveçanit, duke e quajtur kriminal e qyqar.

Ai tha se sulmet e tilla nuk do të zbehin vendosmërinë e institucioneve të Republikës së Kosovës për të vendosur rendin dhe për të garantuar mirëqenien për të gjithë qytetarët

“Mbrëmë grupe kriminale kanë sulmuar me granatë dore Komunën e Zveçanit. Dënoj fuqishëm sulmin kriminal e qyqar ndaj objektit të Komunës së Zveçanit. Sulmet e tilla nuk do të zbehin vendosmërinë e institucioneve të Republikës së Kosovës për të vendosur rendin dhe për të garantuar mirëqenien për të gjithë qytetarët tanë.Republika nuk zmbrapset!”, shkroi Krasniqi në një postim në Facebook.

-Advertisement-

Të enjten para mesnate dy granata dore janë hedhur në objektin e Komunës së Zveçanit.

Zëvendësdrejtori i Policisë së Kosovës për rajonin e Veriut, Veton Elshani ka thënë se nga ky rast nuk ka persona të lënduar, vetëm dëme materiale.

Subscribe në YouTube: GAZETA INFOKUSI
Etiketa:
Blerando i Big Brother Vip Kosova – fytyra e re e Prince Espresso
-Advertisement-

Të tjera

Fokusi

lajme