Lajme

Krasniqi për rangimin e Kosovës në PISA: Analfabetizmi qeveritar ka prekur shkollat tona

Autori: Gazeta inFokus 13:31 | 05 December 2023

Kryetari i Partisë Demokratike të Kosovës, Memli Krasniqi ka reaguar pas publikimit të rezultateve të testit PISA, ku Kosova është ranguar më keq se në vitin 2014 e 2018.

Krasniqi ka thënë se analfabetizmi qeveritar ka prekur dhe po shkatërron shkollat e Kosovës.

“Sot u konfirmua rënia e thellë e rezultateve të nxënësve të Kosovës në testin e PISA-s në lexim, matematikë dhe shkencë. Kosova renditet, praktikisht, në fund të tabelës së 80 shteteve pjesëmarrëse. E dhembshme! E tmerrshme! Në secilën fushë ka rënie drastike të pikëve, krahasuar me vitin 2014 dhe vitin 2018, kur është mbajtur për herë të fundit testi PISA. Ne e kemi ditur, por tashmë edhe po dëshmohet, se qëllimi i kësaj Qeverie nuk ka qenë asnjëherë reforma arsimore e as përmirësimi i jetesës së qytetarëve tanë. Analfabetizmi qeveritar, fatkeqësisht, tashmë po shkatërron edhe shkollat tona!”, është shprehur lideri i PDK-së.

-Advertisement-

Subscribe në YouTube: GAZETA INFOKUSI