Lajme

Krasniqi për Deklaratën e 2 korrikut: Një prej akteve politiko-juridike më të rëndësishme në historinë e vendit

Autori: Gazeta inFokus 10:26 | 02 July 2023

Kryetari i Partisë Demokratike të Kosovës, Memli Krasniqi ka thënë se Deklarata Kushtetuese e 2 korrikut është një prej akteve politiko-juridike më të rëndësishme në historinë e vendit tonë.

Ai në një postim në Facebook ka shkruar se sot nderohen të gjithë delegatët e guximshëm të popullit të Kosovës.

“Sot shënojmë përvjetorin e 33-të të shpalljes së një prej akteve politiko-juridike më të rëndësishme në historinë e vendit tonë – Deklaratës Kushtetuese për Kosovën. Sot nderojmë të gjithë delegatët e guximshëm të popullit të Kosovës, të cilët me këtë deklaratë e shpallën Kosovën njësi të pavarur dhe të barabartë me të gjitha Republikat tjera të ish-Jugosllavisë, ndonëse ndërtesa e Kuvendit ku ata ishin mbledhur, ishte e rrethuar nga policia serbe”, shkroi Krasniqi.

-Advertisement-

Tutje, ai është shprehur se Deklarata e2 korrikut ishte shprehje e aspiratave të popullit tonë për liri, demokraci dhe pavarësi.

“Deklarata Kushtetuese e 2 korrikut ishte shprehje e aspiratave të popullit tonë për liri, demokraci dhe pavarësi, e cila i parapriu Kushtetutës së Kaçanikut, si dhe proceseve tjera në një rrugë të gjatë e plot sakrifica, që kulmoi me shpalljen e Kosovës shtet të pavarur dhe sovran”, ka shkruar ai.

Subscribe në YouTube: GAZETA INFOKUSI
Etiketa:
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme