Lajme

Krasniqi kritikon Qeverinë e Kosovës për polisën e sigurimit, thotë se po mashtron qytetarët

Autori: Gazeta inFokus 17:53 | 27 October 2022

Kryetari i Partisë Demokratike të Kosovës, Memli Krasniqi, ka akuzuar Qeverinë e Kosovës për mashtrim të qytetarëve lidhur me polisën e sigurimit në kufi.

Krasniqi ka treguar statistika që tregojnë se të gjithë mërgimtarët që kanë hyrë në Kosovë nga 1 qeshori deri më 31 gusht kanë paguar polisën e sigurimit.
Ai ka thënë se për shkak të procedurave të komplikuara burokratike vetëm një numër i vogël ka aplikuar për rimbursim dhe një numër akoma më i vogël e ka marrë këtë rimbursim.

Më tej, ai ka thënë se Kurti i trajton mërgimtarët varësisht nga interesi i tij në vota.

-Advertisement-

Statusi i plotë:

“Nga 1 qershori deri më 31 gusht 2022 në Kosovë kanë hyrë 222,274 vetura me mërgimtarë. Të gjithë, pa përjashtim, kanë paguar polisën e sigurimit në kufi.

Për shkak të procedurave të komplikuara burokratike që i ka vendosur Qeveria, vetëm 11,923 mërgimtarë kanë aplikuar për rimbursim, ndërkaq, deri sot, vetëm 8,845 prej tyre kanë përfituar rimbursimin.

Kur nuk ka nevojë për votën e tyre, ky është trajtimi dhe mendimi i vërtetë i Qeverisë së Albin Kurtit për mërgimtarët. Injorimi në kërkesa, mashtrimi në premtime dhe zhvatja e pasurisë së tyre”, ka shkruar Krasniqi në llogarinë e tij në Facebook.

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme