Lajme

Krasniqi: Kënaqësi që mora pjesë në hapjen e ekspozitës së fotogazetarit Blerim Uka

Autori: Gazeta inFokus 16:40 | 06 December 2024

Kryetari i PDK-së, Memli Kransiqi, ka bërë të ditur se e kishte kënaqësinë që të merrte pjesë në hapjen e ekspozitës “Historiku dhe promovimi për pranimin e Kosovës në sportin ndërkombëtar nëpërmjet aparatit fotografik”, të fotogazetarit Blerim Uka.

Në një postimë në Facebook, ai e ka falënderuar fotogazetarin Blerim Uka për vlerësimin dhe dokumentimin e këtyre ngjarjeve me shumë vlerë.

“Nga ndeshjet futbollistike të vitit 2005, që luheshin në kushte jo të favorshme, e deri te momenti kulminant i pranimit të Kosovës në UEFA dhe FIFA, për të vazhduar me ndeshjet e zhvilluara nga përfaqësuesja e Kosovës – Blerimi, përmes fotografive na i riktheu emocionet e një rrugëtimi të gjatë, plot sfida, por të jashtëzakonshëm të lobimit dhe promovimit të sportit kosovar, posaçërisht të futbollit, që mbetet shembull i guximit, rezistencës dhe përkushtimit”, ka thënë Krasniqi.

-Advertisement-