Në një shkrim së fundmi në gazetën britanike “The Guardian”, çështja e referendumit të Katalonisë, për shkëputje nga Spanja, është krahasuar me atë të Irlandës e Kosovës.

Dominic Keown ka bërë krahasimin e Katalonisë së sotme me Irlandën e vitit 1916, të cilën Sergio Bacallado de Lara e ka kundërshtuar duke thënë që është “hiperbolë”, shkruan The Guardian.

Sergoi vlerëson që Irlanda nën sundimin britanik ishte koloni e varfëruar dhe e shfrytëzuar, një shtet katolik i udhëhequr nga protestantët, ndërsa Katalonia është e pasur dhe e vetë-qeverisur në masë të madhe.

-Advertisement-

Larg nga të qenit të shtypur, separatistët katalunas janë duke bërë një përpjekje vetjake që të mbajnë më shumë rimbiursim të taksave në vend, duke lenë në varfëri të skajshme regjionet me investime të pakta në Spanjë.

Pas referendumit të Katalonisë: çka do të ndodhë pastaj?

Nga një këndvështrim tjetër pavarësia e Katalonisë krahasohet me atë të Kosovës, që lidhet me reagimin e Bashkimit Evropian, ndaj të dyja rasteve.

BE-ja nuk e ka njohur apo mbështetur dëshirën demokratike të Katalonisë për pavarësi. Në vend të kësaj ka refuzuar të dënoj skenat e dhunshme të policisë së Madridit në tentim të ndalimit të votimit në referendum.

Ky është një kontrast i madh krahasuar me njohjen e Pavarësisë së Kosovës, ndërtimit të një shteti mbi terrorizëm dhe spastrim etnik nga Serbia, i cili kishte marrë mbështetje të madhe nga BE-ja.

Kjo mund të shpjegohet me atë që, Katalonia ishte bastion kundër fashizmit në vitet 1030 përderisa Kosova ishte një parajsë për fashizmin e viteve 1940, shkruan Rodnay Atkinson.

Një problematikë tjetër është edhe prezantimi i kësaj çështje në media.

Problemi medial nuk është tek mos-përfaqësimi mirëpo tek keqinterpretimi i çështjes katalunase ndër vite, kështu populli spanjoll nuk kanë ide të qartë se çfarë po ndodh me Kataloninë dhe pse.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-