Lajme

KQZ shpall sot rezultatet e zgjedhjeve për komunat veriore

Autori: Gazeta inFokus 09:03 | 25 April 2023

Komisioni Qendror i Zgjedhjeve (KQZ) ka njoftuar se sot do të shpallen rezultatet për zgjedhjet e jashtëzakonshme në katër komunat veriore të Kosovës

Përmes një komunikate për media, nga KQZ kanë thënë se të martën nga ora 13:15 mban mbledhjen e radhës.

Pikë e rendit të ditës është edhe shpallja e rezultateve për zgjedhjet për kryetar të komunave në Mitrovicë e Veriut, Zveçan, Leposaviq dhe Zubin Potok, si dhe zgjedhjet e parakohshme për kuvendet e komunave në Zveçan dhe Leposaviq.

-Advertisement-

Ndryshe, në zgjedhjet e komunave veriore kanë marrë pjesë 3.47 për qind e qytetarëve me të drejtë vote.

Ky do të jetë rendi i ditës:

1. Hyrje: z.Kreshnik Radoniqi, Kryesues i mbledhjes së KQZ-së

2. Shpallja e Rezultateve, për zgjedhjet e jashtëzakonshme për Kryetar të Komunave: Mitrovicë e Veriut, Zveçan, Leposaviq dhe Zubin Potok, si dhe zgjedhjet e parakohshme për kuvendet e komunave: Zveçan dhe Leposaviq

3. Raport i Këshillave të KQZ-së

-Këshilli për Operacione Zgjedhore

-Shqyrtimi dhe miratimi i Raportit Vjetor të KQZ-së për Kuvendin e Republikës
së Kosovës – 2022

4. Të ndryshme.

Subscribe në YouTube: GAZETA INFOKUSI