KQZ-ja miraton Rregulloren për fushatën zgjedhore, monitorimin dhe deklarimin financiar
![](https://gazetainfokus.com/wp-content/uploads/2024/08/auto_kqz-2-600x3601612285584-1-850x460.jpg)
Autori: Gazeta inFokus
13:08 | 15 August 2024
Komisioni Qendror i Zgjedhjeve (KQZ) ka miratuar të enjten Rregulloren Zgjedhore për fushatën e zgjedhjeve, monitorimin dhe deklarimin financiar, raporton Ekonomia Online.
Paraprakisht, gjatë mbledhjes në draftin e rregullores është përditësuar neni 7 – Materialet e fushatës së zgjedhjeve – përkatësisht te pika 2.6 është shtuar se “ndalohet vendosja e materialit nga subjektet politike në ndërtesa apo objekte të banimit pa pëlqimin e banorëve dhe pa kontraktim”.Me 8 vota për rregullorja u votua me këtë ndryshim.
Drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala tha se janë audituar 54 subjekte politike.
“Sa i përket të hyrave dhe shpenzimeve të subjekteve politike të përfaqësuara në Kuvendin e Kosovës, 15 subjekte politike kanë realizuar të hyra në vlerën katër milionë e 653 mijë e 964 euro. Ndërsa, kanë shpenzuar tre milionë e 460 mijë e 379 euro. Ndërsa, sa i përket shpenzimit të mjeteve për pesë subjektet më të mëdha politike, AAK ka shpenzuar buxhetin në masën 95,72 për qind, Lista Serbe në masën 82, 68 për qind, LDK në masën 59, 71 për qind, PDK në masën 75,41 për qind dhe Lëvizja Vetëvendosje në masën 69,18 për qind”, deklaroi ai.
Buzhala deklaroi se gjatë vitit të kaluar kanë pranuar donacione 11 subjekte politike.
“Sa i përket donacioneve në vitin 2023, nga 54 subjekte politike gjithsej 11 subjekte politike kanë pranuar donacione. Do të thotë prej datës 1 janar 2023 deri më datën 31 dhjetor 2023 në vlerën totale 154 mijë e 105 euro. Subjekti politik Aleanca Kosova e Re gjatë vitit 2023 ka pranuar shumën më të madhe të donacioneve në vlerën 49 mijë e 640 euro. Pastaj e dyta është Lidhja Demokratike e Kosovës në vlerën 39 mijë e 488 euro. Partia Socialdemokrate 23 mijë e 306 euro dhe Lëvizja Vetëvendosje 22 mijë e 366 euro”, theksoi ai.
Ndërsa, ka treguar se Zyra për Regjistrim, Certifikim dhe Kontrollin Financiar të Subjekteve Politike gjatë vitit të kaluar ka gjobitur 14 subjekte politike.
“Zyra pas pranimit të raportit të raporteve përfundimtare të auditimit ka gjobitur 14 subjekte politike. Ku nga këto shtatë subjekte politike përfaqësohen në Kuvendin e Kosovës dhe shtatë subjekte politike nuk përfaqësohen në Kuvendin e Kosovës. Sa i përket kategorive të shkeljeve, mos deklarim në shfrytëzim të zyrave ose mos ofrim të dokumentacionit janë gjobitur pesë subjekteve politike për mos dorëzim të raporteve në datën 1 mars 2024, ashtu siç përcaktohet me Ligjin për Financimin e Subjekteve Politike janë gjobitur tri subjekte politike, për pranim të dokumentacioneve në kundërshtim me Ligjin për Financim të Subjekteve Politike janë gjobitur tri subjekte politike, për shfrytëzimin e mjeteve financiare në kundërshtim me Ligjin për Financim janë gjobitur tri subjekte politike, shpenzime të pambështetura me dokumentacion janë gjobitur tri subjekte politike, mos ofrim të dokumentacionit për auditor janë gjobitur dy subjekte politike dhe një subjekt politik është gjobitur për mos publikim të raporteve financiare në ueb faqen zyrtare të subjektit politik”, përfundoi ai.
Anëtarët e Komisionit Qendror të Zgjedhjeve kanë pasur vërejtje për ligjin, i cili mundëson auditimin e subjekteve politike.
Sami Hamiti nga Lidhja Demokratike e Kosovës ka kërkuar që ky ligj të amendamentohet.
“Ligji për Financim të Subjekteve Politike duhet të amendamentohet. Kjo është elementi me të cilën zgjidhen edhe situatat edhe deri tek dy zyrtarët kryesor administrativ, deri tek buxhetet, gjobat. Duhet të rishikohen, rishikohen. Për momentin zyra e ka zbatuar saktë edhe ligjin e parë edhe ligjin e dytë…A kemi elemente që ligji duhet të ndryshohet, unë mendoj që duhet të amendamentohet sepse nuk është ligj i mirë”, deklaroi ai.
Me tetë vota për, anëtarët e KQZ-së kanë miratuar edhe rregulloren zgjedhore për fushatën e zgjedhjeve, monitorimin dhe deklarimin financiar. Në këtë mbledhje është porpozuar që të ndalohet vendosja e materialit nga subjektet politike në ndërtesa apo objekte të banimit pa pëlqimin e banorëve dhe pa kontraktim.
![](https://gazetainfokus.com/wp-content/uploads/2023/10/sami1.jpg)
Të tjera
-
Haradinaj: Miqësia e përhershme me Amerikën është e pathyeshme dhe ajo nuk mund të prishet nga askush
Kryetari i Aleancës për Ardhmërinë e Kosovës (AAK), Ramush Haradinaj, ka kujt...
-
ANALIZA E BBC/ Ja kush e fitoi debatin presidencial Trump- Harris
Në një debat 90-minutësh, Harris shpesh tronditi ish-presidentin – duke e sht...
-
23 vjet nga sulmet terroriste në ShBA
Shtetet e Bashkuara të Amerikës, por edhe mbarë bota përkujtojnë sot 23-vjeto...
-
Mbahet mbledhja e Qeverisë, në rend dite 14 pika
Qeveria e Kosovës do ta mbajë sot mbledhjen e radhës, e cila fillon në orën 1...
-
TMERR në linjën Tiranë-Stamboll/ Indiani tentoi të hapte derën e emergjencës gjatë fluturimit, avioni kthehet sërish në Rinas
Një incident ka ndodhur sot në linjën Tiranë-Stanboll. Avioni kishte pak minu...
-
OKB: Shqipëria në mesin e 6 vendeve, me rënien më të madhe të popullsisë në botë deri më 2054
Organizata e Kombeve të Bashkuara (OKB), në projeksionet e reja për ecurinë e...
-
Kë preferon Putin për President? Harris: Trump admiron diktatorët. Ish-Presidenti: Vladimir të mbështeti para një jave
Lufta në Ukrainë dhe Palestinë ishin një tjetër çështje e politikës së jashtm...
-
Kamberi për ndalimin e Sinanit në kufirin e Serbisë: Listat e Vulinit po vazhdojnë të aplikohen
Deputeti i vetëm shqiptar në Kuvendin e Serbisë, Shaip Kamberi, ka reaguar nd...
-
Reshjet pushojnë gjatë ditës, pason stabilizimi i përkohshëm i motit
Reshjet e shiut vazhdojnë gjatë natës në pjesë të vendit, por dhe orëve të më...
-
Harris dhe Trump deklarojnë fitoren pas debatit. Demokratët kërkojnë një përballje të dytë në muajin tetor
Në përfundim të debatit presidencial 90 minutësh, të dyja kampet kanë deklaru...
-
Kurti e pret sot në takim kryeparlamentaren e Shqipërisë
Kryeministri i Kosovës, Albin Kurti sot do të pres në takim kryetaren e Kuven...
-
Dy qytetarë sulmohen nga qentë endacakë në oborrin e QKUK-së në Prishtinë
Dy persona janë sulmuar nga qentë endacakë në Qendrën Klinike Universitare të...