Lajme

KQZ-ja ia jep 180 mijë euro për shtypjen e fletëvotimeve kompanisë që merret me tregti (Dokument)

Autori: Gazeta inFokus 17:00 | 25 May 2017

Komisioni Qendror i Zgjedhjeve ia ka besuar shtypjen e fletëvotimeve për zgjedhjet nacionale të 11 qershorit, një kompanie që nuk merret me printim.

“Cetkos” nga Prizreni do t’i marr 180 mijë euro nga buxheti i shtetit për këtë punë, derisa veprimtaria e saj është tregtia e mallrave, shkruan Gazeta Fjala.

Kështu ka vendosur Komisioni Qendrore i Zgjedhjeve, në tenderin për “shtypjen e fletëvotimeve për zgjedhjet e parakohshme 2017”.

-Advertisement-

Sipas të dhënave në Agjencinë për Regjistrimin e Bizneseve, kompania “Cetkos” në listën e aktiviteteve përveç tregtisë me shumicë, merret edhe me “aktivitete të ndërmjetësimit të specializuar për shitjen e produkteve të veçanta dhe mallrave”.

Por jo edhe me printim apo shtypje të çfarëdoshme të dokumenteve.

Pronari i “Cetkos”, Iliri Hoxha, nuk ka pranuar të flas për Gazetën Fjala lidhur me atë se a ka kompania shtypshkronjë për printimin e fletëvotimeve.

“Drejtojuni për gjithçka KQZ-së. Unë nuk mund t’iu jap asnjë informacion”, ka thënë shkurtë Hoxha.

Ndërkohë sipas Komisionit Rregullativ të Prokurimit Publik KQZ e ka shpërblyer tashme me kontratë kompaninë Cetkos, në vlerë prej 180 mijë eurosh. 

Subscribe në YouTube: GAZETA INFOKUSI
Etiketa:
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine
-Advertisement-

Të tjera

Fokusi

lajme