KPK reagon ndaj deklaratave të LVV-së për Kryeprokurorin Isufaj: Ndërhyrje flagrante në punën e Prokurorit të Shtetit
![](https://gazetainfokus.com/wp-content/uploads/2023/04/dsas.jpg)
Autori: Gazeta inFokus
11:21 | 20 April 2023
Këshilli Prokurorial i Kosovës (KPK) ka reaguar ndaj deklaratave të deputetëve dhe përfaqësuesve të Lëvizjes Vetëvendosje (LVV) për kryeprokurorin e Prokurorisë Speciale të Republikës së Kosovës (PSRK),Blerim Isufaj, pas arrestimit të drejtorit të Korporatës Energjetike të Kosovës (KEK), Nagip Krasniqi.
KPK e cilëson të papranueshme gjuhën e përdorur ndaj kryeprokurorit Isufaj, raporton “Betimi për Drejtësi”.
Sipas KPK-së, përmes gjuhës denigruese kundër kandidatit për Kryeprokuror të Shtetit, Blerim Isufaj, disa zyrtarë të lartë shtetërorë po tentojnë të ndikojnë në punët e sistemit prokurorial.
“Këshilli Prokurorial vlerëson se, deklaratat e tilla, siç ishte ishin ato të djeshmet, janë në kundërshtim të plotë me ndarjen e pushteteve dhe përbëjnë ndërhyrje flagrante dhe të drejtpërdrejtë në punën e Gjyqësorit, përkatësisht të institucionit të Prokurorit të Shtetit, ngaqë puna dhe angazhimi i të gjithave, përfshirë edhe PSRK-në , burojnë nga Kushtetuta dhe ligjet e vendit, e jo nga vullnetet politike, grupet e interesit dhe individët e caktuar”, thuhet në reagim.
Në fund, KPK thekson se pushteti gjyqësor dhe prokurorial është i veçantë, me institucione kushtetuese, të pavarura dhe të paanshme, të cilat kryejnë detyrën e tyre në përputhje me mandatin kushtetues dhe ligjor, duke u bazuar gjithnjë në prova dhe fakte.
Reagimi i plotë:
“Reagim i Këshillit Prokurorial të Kosovës ndaj deklaratave të zyrtarëve të lartë shtetërorë të Lëvizjes Vetëvendosje
Prishtinë, 20 prill 2023 – Këshilli Prokurorial i Kosovës (KPK) kundërshton fuqishëm dhe shpreh indinjatë të thellë ndaj deklaratave të deputetëve të Kuvendit të Republikës së Kosovës dhe përfaqësuesve të lartë të Lëvizjes Vetëvendosje, të cilët kanë përdorur gjuhë të papranueshme dhe tendencioze lidhur me punën e Kryeprokurorit të Prokurorisë Speciale të Republikës së Kosovës (PSRK), z. Blerim Isufaj.
KPK-ja konstaton se disa zyrtarë të lartë shtetërorë po tentojnë të ndikojnë sistematikisht në punët e sistemit prokurorial dhe po përçojnë mesazhe tendencioze politike, sikurse që kanë bërë edhe kësaj radhe, duke përdorur gjuhë denigruese kundër personalitetit të kandidatit për Kryeprokuror të Shtetit, z.Blerim Isufaj, gjë që është në kundërshtim me të gjitha normat etike, ligjore dhe kushtetuese.
Këshilli Prokurorial vlerëson se, deklaratat e tilla, siç ishte ishin ato të djeshmet, janë në kundërshtim të plotë me ndarjen e pushteteve dhe përbëjnë ndërhyrje flagrante dhe të drejtpërdrejtë në punën e Gjyqësorit, përkatësisht të institucionit të Prokurorit të Shtetit, ngaqë puna dhe angazhimi i të gjithave, përfshirë edhe PSRK-në , burojnë nga Kushtetuta dhe ligjet e vendit, e jo nga vullnetet politike, grupet e interesit dhe individët e caktuar.
Me këtë rast, Këshilli Prokurorial i Kosovës, thekson se qëndron plotësisht prapa punës së mirëfilltë dhe shumë profesionale të Prokurorisë Speciale të Republikës së Kosovës dhe prapa punës dhe angazhimit të prokurorëve të PSRK-së dhe në asnjë rast nuk do të tolerojë denigrimet dhe atakimet qëllimkëqija ndaj angazhimeve dhe përkushtimit të bartësve të sistemit prokurorial.
Në përmbyllje të këtij reagimi, KPK-ja ia risjellë në vëmendje kujtdo që tenton të cenojë punën e kësaj prokurorie dhe Kryeprokurorit të saj, z. Blerim Isufaj, si dhe përgjithësisht punën e institucionit të Prokurorit të Shtetit se, pushteti gjyqësor dhe prokurorial është i veçantë, me institucione kushtetuese, të pavarura dhe të paanshme, të cilat kryejnë detyrën e tyre në përputhje me mandatin kushtetues dhe ligjor, duke u bazuar gjithnjë në prova dhe fakte”.
![](https://gazetainfokus.com/wp-content/uploads/2024/08/Universum.png)
Të tjera
-
Zjḁrr në kodrën e Cerrnushës, po bëhet përpjekje për lokalizim të tij
Në orët e pasdites të së enjtes, është ndezur një vatër zjarri në kodër të Ce...
-
Publikohet foto që pretendohet se Blerim Ramadani është në Kosovë
Blerim Ramadani i cili të mërkurën është arratisur nga Maqedonia Veriore, pas...
-
Gorani: Kur i kam parë Thaçin dhe Veselin me uniforma ushtarake ka qenë spektakël
Gazetari dhe ish-politikani Dukagjin Gorani, ka folur në Rubikon mbi kontakte...
-
Zjḁrret shqetësuan banorët në Komunën e Mitrovicës, Hamza falënderon zjarrëfikësit thotë se gjendja është nën kontroll
Kryetari i Mitrovicës së Jugut, Bedri Hamza ka falënderuar zjarrëfiksit e raj...
-
Situatë alarmante, zjḁrri iu afrohet shtëpive në fshatin Sferkë të Klinës
Në Kosovë ditëve të fundit shkaku i temperaturave të larta dhe pakujdesisë së...
-
Kelmendi: Mbi 60 mijë aplikime për subvencionim librave, PDK-ja nuk do që buxheti të shkojë te prindërit
Taulant Kelmendi, zëvendësministër i Arsimit, Shkencës, Teknologjisë dhe Inov...
-
Kurti thotë se do të përkrahin mbi 6 mijë familje për ta rritur efiçiencën energjike
Ministria e Ekonomisë dhe Fondi Kosovar për Efiçiencë të Energjisë do të hapi...
-
Alarm edhe në Europë, shënohet rasti i parë me linë e majmunëve
Suedia ka regjistruar rastin e parë të varianti të ri infektiv të mpox, ose l...
-
BE-ja kritikon Serbinë për bashkëpunimin me Rusinë
Bashkimi Evropian i tha Serbisë se mbajtja e raporteve me Rusinë në kohën kur...
-
Specialja e pranon se gjykimi ndaj krerëve të UÇK-së është zgjatur
Gjykata Speciale ua ka vazhduar paraburgimin katër ish-krerëve të UÇK-së: Has...
-
Bajqinovci: Ndaj hapjes së urës së Ibrit po reagojnë ata që kanë hequr dorë nga veriu i Kosovës
Deputeti i Lëvizjes Vetëvendosje, Mefail Bajqinovci thotë se ndaj hapjes së u...
-
Kthimi i mërgimtarëve, deri në 4 orë pritje në Merdarë për ta lëshuar Kosovën
Pritjet e mërgimtarëve për të dalë nga Kosova në pikëkalimin kufitar në Merda...