Ekonomi

Kosovë, 91 milionë euro u shpenzuan në cigare

Autori: Gazeta inFokus 15:19 | 05 October 2018

Statistikat tregojnë se qytetarët e Kosovës janë më të varfrit në rajon dhe Evropë. Por kjo nuk ka ndikuar që të ndalet luksi. Vetëm për duhan qytetarët kanë djegur mbi 91 milionë euro.

Të dhënat e Doganës së Kosovës tregojnë se për një vit e gjysmë, respektivisht nga 1 janari i vitit 2017 deri në qershor të këtij viti në Kosovë u shkrinë mbi 91 milionë euro për 4 milionë kilogram duhan, raporton FaktePlus.

Sipas Doganës, për gjithë vitin 2017, kosovarët blenë duhan në vlerë prej 61 milionë e 961 mijë euro.

-Advertisement-

Me këto para u importuan 2 milionë e 775 mijë kg, ndërsa vetëm në puro u shpenzuan 124 mijë euro, që vlera e tyre në kg ishte 1296.

Zyra për informim e Doganës së Kosovës konfirmoi për FaktePlus se vërehet një trend i rritjes së shpenzimeve të parasë për duhan në vitin 2018.

Sipas të dhënave, vetëm për gjashtë muajt e parë të këtij viti, respektivisht nga janari deri më 31 qershor për importin e 1 milion e 252 kg duhan janë dhënë 29 milionë euro.

Sipas Organizatës Botërore të Shëndetësisë, nga vitit 2020 deri në vitin 2030, në tërë botën do të vdesin 30 milionë njerëz nga dëmet që shkakton duhani.

Në Kosovë, ndërkaq, thuhet se numri i të rinjve, të cilët pinë duhan është i madh dhe në rritje.

Kurse të dhënat e ndryshme të publikuara kohë pas kohe nga institucione të vendit e ndërkombëtare, tregojnë se qytetarët e Republikës së Kosovës janë më të varfrit në rajon dhe Evropë.

Të ardhurat mesatare për kokë banori në Kosovë, janë më të voglat krahasuar me gjithë shtetet e rajonit.

Subscribe në YouTube: GAZETA INFOKUSI
Etiketa:
Prince Caffe pjesëmarrës në panairin “Gulfood Fair 2024” në Dubai
-Advertisement-

Të tjera

Fokusi

ekonomi