Ekonomi

Kosovarëve po ua marrin punën maqedonasit e turqit

Autori: Gazeta inFokus 11:51 | 02 May 2018

Janë ekspertë në fusha të ndryshme, por nuk kanë arritur të gjejnë punë. Atë çka nuk e gjetën në vendet e tyre, Kosova ua “dhuroi”.

Vetëm në vitin e kaluar 101 shtetas të huaj janë pajisur me leje qëndrimi dhe vërtetim për lajmërimin e punës. Ani pse vetëm përkohësisht.

Së paku kështu ka deklaruar për Infokusin vet zëdhënësi në Ministrinë e Punës dhe Mirëqenies Sociale, Musa Demiri.

-Advertisement-

Demiri ka thënë për Infokusin se Ministria e Punës dhe Mirëqenies Sociale në krye me Skënder Reqicën, procedurën e lëshimit të lejes së qëndrimit dhe vërtetimit për lajmërimin e punës bazuar në Ligjin për të huajt dhe Udhëzimin Administrativ.

Por, thotë se kjo Ministri jep leje vetëm prej 30 deri në 90 ditë. Deklaron se për një afat më të gjatë kohor, leje të tilla jepen në Ministrinë e Punëve të Brendshme.

“Ministria e Punës dhe Mirëqenies Sociale, (bazuar në Ligjin Nr.04/L-219 për të huajt dhe Udhëzimit Administrativ 01/2014që rregullon procedurën e lëshimit të lejes së qëndrimit dhe vërtetimit për lajmërimin e punës) gjatë vitit 2017 ka pajisur me vërtetime për lajmërimin e punës 101 shtetas të huaj që kanë punuar në vendin tonë dhe atë në kohëzgjatje prej 30-90 ditë. Lejet e qëndrimit për punë në afat më të gjatë se 90 ditë i lëshon Ministria e Punëve të Brendshme”, thuhet në përgjigjet e MMPH-së drejtuar Infokusit.

E më të interesuar për të punuar në Kosovë, dhe që kanë marrë leje pune janë shtetasit e Maqedonisë  dhe ata të Turqisë. Gjersa prijnë ekspertët nga fusha e ndërtimtarisë dhe teknologjisë informative.

“Shtetas të huaj, të cilët MPMS-ja i ka pajisur me Vërtetim për Lajmërimin e Punës, janë më së shumti nga Maqedonia 55.45% (56 vërtetime) duke u pasuar nga ata të shtetit turk me 16.83% (17 vërtetime)”, ka thënë Demiri./Infokusi

 

Subscribe në YouTube: GAZETA INFOKUSI
Etiketa:
Diplomon gjenerata e dytë e studentëve UNIK të UNI-të me diploma të fuqizuara nga Arizona State University
-Advertisement-

Të tjera

Fokusi

ekonomi