Lajme

Kosovarët në vendin e tretë për pajisje me pasaportën austriake

Autori: Gazeta inFokus 08:12 | 17 Gusht 2017

Gjatë gjysmës së parë të vitit në Austri afër 4700 të huaj kanë marrë pasaporta të këtij vendi. Numrin më të madh të shtetasve të rinj të Austrisë e përbëjnë boshnjakët me 698, e pas tyre vijnë turqit me 456 dhe kosovarët me 319 persona, njofton agjencia austriake e lajmeve APA, shkruan albinfo.ch.

Me këtë numër është shënuar një rritje prej 9.6 për qind e kësaj kategorie në krahasim me periudhën e njëjtë të një viti më parë, transmeton albinfo.ch. Më saktësisht: gjatë gjashtë muajve të vitit 2017 kanë qenë 695 ndërsa gjatë periudhës së njëjtë të vitit 2016, 4285 persona që kanë fituar pasaportën austriake.

Më shumë se një e treta e të natyralizuarve ose 35.9% të tyre janë të lindur në Austri. Mbi gjysma e të gjitha natyralizimeve, ose 2625 sosh janë bërë mbi bazë të së drejtës ligjore. Prej tyre 1689 veta e kanë fituar këtë status pas qëndrimit prej së paku gjashtë vitesh në Austri ose për shkaqe të posaçme (lindja në Austri, e drejta e azilit ose shtetësia e një vendi tjetër të BE-së.

-Advertisement-

Rritjen më të madhe të numrit të kësaj kategorie qytetarësh gjatë periudhës në fjalë, 42.1%, e ka pasur kryeqyteti, Vjena. Këtu numri i të natyralizuarve për gjashtë muaj ka qenë 2019.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy