Lajme

Kosova-Women 4 Women pjesëmarrëse në Etno Fest 2017

Autori: Gazeta inFokus 19:28 | 11 August 2017

Sic është bërë traditë e Etno Festit në Kosovë, ky është viti i shtatë që organizohet një festival ku prezantohen vlerat dhe traditat nga më të vjetrat, më të rejat, nga fushat e të gjitha arteve dhe kulturës që në një formë apo tjetër lidhen me traditën shqipëtare.

Në programin e edicionit të shtatë të Etno Festit keni mundësinë me e përcjell edhe Artin e Kulinarisë Tradicionale Shqipëtare, ku gratë e diplomuara të programit Kosova-Women 4 Women, të cilat tani më kanë edhe shoqatat e tyre, do të përgatitin ushqime tradicionale të rajoneve të ndryshme të Kosovës.

Gjate tri ditëve në vijim do të marrin pjesë me përgatitjen e ushqimeve këto shoqata: ‘Alba” nga fshati Prugovc, Komuna e Prishtine, “Grupi i Grave” nga fshati Mazhiq, Komuna e Mitrovices , “Shegeza” nga fshati Brezhnice, Komuna e Obliqit, “Banja” nga fshati Bajnice, Komuna e Kacanikut, ‘Sofra” nga Komuna e Mitrovices dhe “Bliri” nga Komuna e Drenasit.

Kosova-Women 4 Women (K-W4W), ёshtё organizatё jo qeveritare lokale e ngritur mbi bazën e vënë në Kosovë nga Women for Women International (WfWI).

Nga janari i vitit 2017 funksionon si organizatё lokale duke bartur tё gjitha kompetencat dhe pёrgjegjёsitё nga kjo organizatë.

Misioni i KW4W ёshtё t’i ndihmojё gratё e margjinalizuara pёr tё fituar dhe kursyer mjete financiare; për tё pёrmirёsuar shёndetin dhe mirёqenien e tyre; për tё rritur influencёn e tyre nё vendimmarrje nё shtёpitё e tyre dhe nё komunitet; si dhe për të krijuar lidhjen e tyre nё rrjete pёr pёrkrahje.

Duke i shfrytëzuar aftësitë, njohuritë dhe burimet ekzistuese, gratë do të jenë në gjendje të krijojnë ndryshime të qëndrueshme për vetën e tyre, familjen dhe komunitetin.

 

Të tjera

Fokusi

lajme