Sport

Kosova mposhtet edhe nga Jordania, Primoz Gliha debuton me humbje   

Autori: Gazeta inFokus 19:58 | 10 November 2021

Kombëtarja e Kosovës në futboll është mposhtur edhe nga Jordania, në duelin miqësor të luajtur të mërkurën mbrëma në Prishtinë, shkruan Gazeta inFokus.

‘Dardanët’ kanë pësuar disfatë nga jordanezët me rezultat 2-0, në takimin e zhvilluar në stadiumin ‘Fadil Vokrri’.

Golat për ekipin mysafir i realizuan Baha Faisal në minutën e 18’ dhe Hamza Ali Khaled Al Daradreh në minutën e 85’.

Kosovën në këtë ndeshje e drejtoi trajneri i përkohshëm, Primoz Gliha, i cili zëvendësoi Bernard Challandesin e shkarkuar.

Ndeshjen e radhës Kosova e luan të dielën në udhëtim te Greqia, takim ky i vlefshëm për xhiron e fundit të kualifikimeve për Kupën e Botës ‘Katar 2022’./Gazeta inFokus/

 

Të tjera