Kosova mbulon mbi 60% të nevojave me grurë
Autori: Agnesa Çitaku 17:10 | 20 November 2018
Fermerët kosovarë me prodhimet e tyre mbulojnë mbi 60% të nevojave me grurë.
Kështu kanë thënë për Gazetën inFokus nga Ministria e Bujqësisë, Pylltarisë dhe Zhvillimit Rural.
Isuf Cikaqi, drejtor i Departamentit të Politikave Bujqësore dhe Tregjeve në MBPZHR ka thënë se këtë vit janë prodhuar mbi 250 mijë tonë grurë
“Duke pasur parasysh sipërfaqen e përgjithshme me kulturën e grurit që është korrur këtë vit, 73,736.02 ha dhe rendimentin mesatar prej 3,534.5 kg/ha, Kosova këtë vit ka prodhuar rreth 256,234.8 ton grurë. Me sasinë e grurit të prodhuar këtë vit (256,234.8 ton) Kosova arrin që t’i plotësoj kërkesat e saj me grurë 62.49%”, ka thënë ai.
Ndërsa gjatë këtij viti janë planifikuar të mbillen rreth 75000 hektarë.
“Në gjithë territorin e Republikës së Kosovës, sivjet është planifikuar që vetëm me kulturën e grurit të mbillen rreth 75000 hektarë. Deri më tani, për shkak të kushteve klimatike jo të favorshme që kanë përfshirë vendin tonë, pra mungesa e reshjeve të shiut e ka pamundësuar përgatitjen e tokës për realizmin e mbjelljeve në tërësi, duke bërë që deri më tani të mbillet vetëm rreth 10 për qind e sipërfaqes së planifikuar”, ka shtuar Cikaqi.
Sipas tij vitin e kaluar në vend janë mbjellur 74313.3 hektarë gruri ndërsa në vitin 2016 ishte 71937.2 hektarë.
E sipërfaqe më e madhe me grurë në Kosovë ishte mbjelle në 2016-en, saktësisht 84572.4 hektarë.
Ndryshe rezultatet e Anketës së Ekonomive Bujqësore (AEB), 2016 tregojnë se në Kosovë sipërfaqja e tokës bujqësore është 512,000 hektarë dhe gjithsej sipërfaqja e shfrytëzuar e tokës bujqësore në vitin 2016 ishte 415,826 hektarë.
E numri i kosovarëve që merren me bujqësi bazuar në të dhënat e regjistrimit të bujqësisë është 362.700 persona.
Vendoja e taksës rriti çmimet
Vendimi i Qeverisë së Kosovës për vendosjen e masës tregtare prej 10% për mallrat e importuara nga Serbia dhe Bonja e Hercegovina u prit mirë nga Shoqata e Mullisëve të Kosovës.
Por vetëm pak ditë më vone çmimet kanë filluar të rriten.
Fillimisht çmimi i bukës për 10 cent dhe çmimi i miellit u ngritën në Prizren.
Pas saj të njëjtin vendim është marrë pothuajse në të gjithë qytete e Kosovës e para pak minutash edhe në kryeqytet.
Në maj të këtij viti Gazeta inFokus kishte raportuar për rritjen e varshmërisë së Kosovës për grurin e prodhuar në Serbi.
Drejtori i Departamentit të Politikave Bujqësore dhe Tregtisë në Ministrinë e Bujqësisë, Isuf Cikaqit kishe thënë se krahasuar me 5 vitet e fundit në vitin 2013 ka pasur më së shumti hektarë të mbjellë me grurë.
Në atë vit fermerët kosovarë kishin mbjellë 85,000 ha. Ndërsa në 2014-en kishte rënë sasia e mbjellë në 84,000 ha./Gazeta inFokus
Lexo edhe: Alarmante| Kosovarët po e përbuzin tokën e bukës
Të tjera
-
Holtgen: Kosova nuk është në rendin e ditës së Këshillit të Ministrave të KiE
“Çështja e Kosovës nuk është në agjendën e Këshillit të Ministrave javën e ar...
-
KSHZ: Zgjedhjet ishin korrekte, rezultatet e para do të shpallen para mesnate
Komisionit Shtetëror të Zgjedhjeve në konferencën e fundit për media ka njoft...
-
Katër të lënduar në një aksident mes një veture dhe një autobusi në rrugën Fushë Kosovë-Prishtinë
Katër persona janë lënduar në një aksident trafiku të ndodhur mes një veture ...
-
Asociacioni – pritë në rrugën e Kosovës drejt KiE-së
Për t’i mbështetur përpjekjet e Kosovës për anëtarësim në Këshillin e Evropës...
-
Kërkohet paraburgim për personin që dyshohet se ka laborator dro*ge në Leposaviq
Është kërkuar caktimi i masës së paraburgimit për të dyshuarin M.I, i cili dy...
-
Mbyllen vendvotimet për zgjedhjet presidenciale dhe parlamentare në Maqedoni të Veriut
Në Maqedoni të Veriut është mbyllur procesi i votimit për zgjedhjet presidenc...
-
Në kryeqytetin gjerman pritet emërtimi i një rrugë me emrin e Presidentit Rugova
Ambasadori i Kosovës në Gjermani, Faruk Ajeti ka takuar Florian Hauer, ...
-
Haziri: Qeveria fajtore për dështimin e anëtarësimit të Kosovës në KiE
Nënkryetari i Lidhjes Demokratike të Kosovës, Lutfi Haziri, ka vlerësuar se Q...
-
Osmani takohet me presidentin Bush: Ishte lajmëtari i Pavarësisë së Kosovës
Presidentja e vendit, Vjosa Osmani, ka takuar ish-presidentin e ShBA-së, Geor...
-
Xi në Serbi premton thellim të bashkëpunimit dhe mbështetje për çështjen e Kosovës
Është vendi i parë në Evropë me të cilin Kina po ndërton një komunitet me të ...
-
Këto janë vendimet që ka marrë Qeveria në mbledhjen e 203-të
Qeveria e Republikës së Kosovës ka zhvilluar mbledhjen e rregullt në të cilën...
-
Detaje nga tenderi 38 milionësh, shkak i të cilit u intervistua si i dyshuar zëvendësministri Hysen Durmishi
Hedhja e firmës në një tender në vlerë rreth 38 milionë euro, është bërë shka...