Kosova mbetet në fatin e vetëm 86 anesteziologëve, nuk ka as specializantë të kësaj fushe
Autori: Samire Jaha 11:34 | 15 September 2022
Largimi i mjekëve nga Kosova tashmë është shndërruar në një fenomen. Viti pas viti numri i mjekëve që lëshojnë vendin ose që lënë punën në sistemin shëndetësorë publik për të vazhduar në atë privat po rritet. Një problem i njëjtë është edhe me largimin e anesteziologëve, ku spitalet e klinikat publike të vendit po përballen me mungesë të madhe të tyre për një kohë të gjatë.
Momentalisht në vendin tonë kanë mbetur vetëm edhe 86 anesteziologë të cilët operojnë në të gjitha spitalet regjionale dhe në Qendrën Klinike Universitare të Kosovës.
Këtë për Gazetën Infokus e ka konfirmuar drejtori i Klinikës së Anesteziologëve dhe Mjekimit Intensiv në QKUK, Gazmend Spahija, i cili tregoi një fakt edhe më shqetësues. Sipas tij nuk ka as specializantë të kësaj fushe.
“Për mungesën e anesteziologëve janë të njoftuar me kohë të gjitha institucionet gjegjëse por fatkeqësisht nuk ka anesteziolog- specialist që presin për punë”, ka thënë Spahija për Infokus.
Prej gjithsej 86 anesteziologëve që janë në tërë Kosovën, prej tyre 39 janë në spitalet rajonale ndërsa 47 anesteziologë operojnë në Qendrën Klinike Universitare të Kosovës.
E arsye pse anesteziologët po lëshojnë vendin sipas drejtorit janë kushtet më të mira të pagës në sektorin privat por edhe mbingarkesa në punë.
“Largimi i anesteziologëve nga QKUK-ja është si pasojë e ofertës më të mirë për pages nga sektori privat dhe mbingarkesës në punë e sidomos kujdestarive të shpeshta”, ka deklaruar Spahija për Infokus.
Gazeta Infokus ka kërkuar edhe nga Ministria e Shëndetësisë detaje për numrin e anesteziologëve që po lënë vendin apo po largohen nga sektori publik dhe se çfarë është duke ndërrmarrë ky dikaster në lidhje me këtë problem por deri në publikimin e lajmit nga kjo ministri nuk kanë kthyer përgjigje.
Për largimin e mungesën e anesteziologëve janë shqetësuar edhe partitë opozitare. Lidhja Demokratike e Kosovës përmes një konferencë për media javën e kaluar, ka thënë se janë diku 120 profesionistë mjekësor që e kanë lëshuar vendin.
Anëtari i kësaj partie, Ekrem Hyseni, në këtë konferencë kishte thënë se në mesin e tyre që kanë lëshuar vendin janë edhe 40 specializantë.
“Pandemia e paaftësisë e Ministrisë së Shëndetësisë. Paaftësia qeverisëse po i lë qytetarët pa shërbime shëndetësore, profesionistët shëndetësore po i trajton me lëmoshë gjersa investimet kapitale në këtë fushë janë realizuar vetëm 5 për qind. Janë diku 120 profesionistë shëndetësorë që e kanë lëshuar vendin, në mesin e tyre i kemi edhe 40 specializantë ”, ka thënë Hyseni.
Kujtojmë se së fundmi nga Kosova është larguar edhe një anesteziolog i QKUK-së, Burhan Hadri i cili ka ofruar dorëheqjen e tij prej 26 shtatorit të këtij viti./Gazeta Infokus/
Të tjera
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...
-
Nervozohet Vuçiq: Veprimi i “neveritshëm”, duan t’i heqin sanksionet Kosovës
“Në Bashkimin Evropian tani kanë nisur një mekanizëm për heqjen e sanksioneve...
-
Të shtëna me armé në një lokal në magjistralen Prishtinë – Ferizaj
Policia e Kosovës ka arrestuar dy persona pasi njëri prejt tyre ka shtënë me ...
-
Mërgimtarët dërguan 112 milionë euro në Kosovë gjatë muajit mars
Mbi 112 milionë euro është vlera e dërgesave të mërgatës që janë sjellë në Re...
-
Shtatë raste të dhünës në familje në 24 orët e fundit në Kosovë
Shtatë raste të dhunës në familje janë raportuar në 24 orët e fundit në Kosov...
-
Përmbytjet vdekjeprurëse të Dubait, shkencëtarët bëjnë zbulimin e frishkëm! Një nga shkaktarët kryesor të kësaj katastrofe është…
Shiu rekord që ra mbi Emiratet e Bashkuara Arabe dhe Oman këtë muaj, duke shk...
-
Çitaku: Vetëvendosje në zgjedhjet e ardhshme do të jetë në opozitë
Sekretarja e përgjithshme e PDK-së, Vlora Çitaku tha se subjekti politik ku ...
-
Nju Jork, mbyllet dita e tretë e dëshmive në gjyqin penal ndaj Trump
David Pecker, ish botues i tabloidit ‘National Enquirer’, dëshmoi të enjten n...
-
Sot mbahet ceremonia përmbyllëse e garës ndërkombëtare “Ushtari më i mirë 2024”
Të premten, me datë do të 26 mbahet ceremonia përmbyllëse të garës ndërkombët...