Lajme

Kosova ka nevojë për më shumë burra feministë

Autori: Gazeta inFokus 09:45 | 25 Mars 2018

Atifete Jahjaga është presidentja e katërt e Republikës së Kosovës. Është gruaja e parë e zgjedhur në postin e presidentit në Kosovë (2011-2016) dhe në Ballkanin Perëndimor dhe gruaja më e re e zgjedhur në krye të shtetit në të gjithë botën.

Jahjaga aktivisht merr pjesë në konferenca e iniciativa vendore e ndërkombëtare që kanë për qëllim fuqizimin e gruas, ndërsa është avokuese e zëshme për të drejtat e të mbijetuarve të dhunës seksuale gjatë luftës. Ajo vazhdon të angazhohet në luftën kundër radikalizmit dhe ekstremizmit të dhunshëm fetar dhe është promovuese e paqes dhe e stabilitetit në Ballkan dhe përtej, shkruan sot “Koha Ditore”.

Është themeluese e Fondacionit Jahjaga, i cili në fokus të angazhimeve ka fuqizimin e grave dhe të rinjtë. Gjatë kohës sa ishte në detyrë, Jahjaga u angazhua fuqimisht për të sjellë gratë në ballë të jetës politike, ekonomike e sociale, për të krijuar një demokraci të qëndrueshme.

-Advertisement-

Presidentja Jahjaga është anëtare e Këshillit të Grave Lidere që nga viti 2012 dhe është nderuar me një varg çmimesh, si Çmimi për Lidership në Shërbimin Publik nga Clinton Global Initiative (2014) dhe titulli i nderit Doktor fillimisht nga Universiteti i Durhamit (2013) e pastaj edhe nga Universiteti i Leicesterit (2015).