Sport

Kosova humbet ndeshjen e parë ndaj Turqisë

Autori: Gazeta inFokus 13:04 | 16 January 2020

Kombëtarja e Kosovës U17 e ka zhvilluar ndeshjen e parë në kuadër të turneut “Mercedes Benz Aegean Cup International Youth Tournament” në Izmir dhe atë kundër ekipit nikoqir, Turqisë.

Pas një loje interesante dhe me rivalitet të madh në fund fitores iu gëzua Turqia, me rezultat të ngushtë, 1:0.

Në pjesën e parë ishin vendasit që krijuan më shumë raste para portës së kombëtares tonë, por që mbrojtja ishte në nivelin e duhur.

-Advertisement-

Ndërkohë, në minutën e 53-të Mahmut Afşar shfrytëzoi një gabim të mbrojtjes dardane dhe realizoi nga brendësia e zonës për zhbllokimin e rezultatit, që në fund doli të jetë edhe goli i vetëm në ndeshje.

Pas pësimit të golit djelmoshat e Besnik Kollarit ishin më këmbëngulës drejt portës turke për të gjetur golin e barazimit, por me gjithë rastet e krijuara nuk ia dolën të ndryshojnë shifrat e ndeshjes.

Ndeshjen e radhës Kosova e zhvillon kundër Tanzanisë, më 17 janar.

Subscribe në YouTube: GAZETA INFOKUSI

Të tjera

Fokusi

sport