Lajme

Kosova e dyta në Ballkanin Perëndimor për përmirësim të sundimit të ligjit, Bislimi: Mbesim të përkushtuar për këtë fushë

Autori: Gazeta inFokus 09:52 | 27 October 2022

Zëvendëskryeministri i parë, Besnik Bislimi, ka thënë se rangimi i Kosovës si vendi i parë në Ballkanin Perëndimor për sundim të ligjit nga indeksi vjetor i “World Justice Project”, tregon angazhimin e qeverisë dhe përkushimin në fushën e sundimit të ligjit.

Bislimi, mes tjerash, thotë se ky vlerësim pozitiv është i rëndësishëm ashtu si vitin e shkuar, njofton Klankosova.tv.

“Sipas raportit më të fundit të publikuar nga World Justice Project, Kosova radhitet në vendin e dytë në botë sa i përket përmirësimit në fushën e sundimit të ligjit dhe e para në Ballkanin Perëndimor në rankimin e përgjithshëm”.

-Advertisement-

“Si Qeveri, mbesim të përkushtuar në angazhimin tonë në fushën e sundimit të ligjit. Rikonfirmojmë vlerësimin pozitiv si në vitin e shkuar, nga ky projekt” ka shkruar Bislimi në Facebook.

Subscribe në YouTube: GAZETA INFOKUSI