Kosova dhe Serbia pritet të arrijnë marrëveshje për energjinë në veri dhe personat e pagjetur
![](https://gazetainfokus.com/wp-content/uploads/2022/03/auto_dialogu_11607540045-852x460.jpg)
Autori: Gazeta inFokus
12:41 | 06 March 2022
Kosova dhe Serbia pritet të arrijnë marrëveshje për energjinë në veri dhe për personat e pagjetur. Në takimin e fundit më 22 shkurt, palët i janë afruar gjuhës së përbashkët për këto dy tema.
Përkitazi me këtë, Bashkimi Evropian pret që shumë shpejtë të arrihet dakordimi dhe të fillohet diskutimi për normalizimin e plotë të marrëdhënieve.
Paralajmërimin për arritjen e një zgjidhje për energjinë në veri e ka dhënë edhe kryenegociatori i Kosovës në dialog, Besnik Bislimi.
Zëdhënësi i Bashkimit Evropian, Peter Stano thotë për KosovaPress, se në takimin e fundit të kryenegociatorëve është diskutuar edhe për përgatitjen e terrenit për takimin e radhës të nivelit të lartë të dialogut Kosovë-Serbi.
“Më 22 shkurt, përfaqësuesi special i BE-së, Lajçak, zhvilloi takime me dy kryenegociatorët e Kosovës dhe Serbisë për një sërë çështjesh konkrete, me qëllim të diskutimit të çështjeve që kanë të bëjnë me zbatimin e marrëveshjeve të kaluara, si dhe hapat e ardhshëm për normalizimin e marrëdhënieve me synim të përgatitjes së terrenit për takimin e radhës të nivelit të lartë të dialogut. Pas 11 orësh negociata intensive, palët iu afruan gjetjes së gjuhës së përbashkët për disa çështje me rëndësi thelbësore për qytetarët e Kosovës dhe Serbisë, siç është rryma për veriun e Kosovës dhe zgjidhja e fatit të personave të pagjetur. Ne presim që palët të arrijnë shpejtë një marrëveshje për këto çështje, për të lejuar fillimin e diskutimeve mbi tema të reja të rëndësishme për normalizimin e marrëdhënieve”, thotë ai përmes një përgjigje me shkrim për KosovaPress.
Sipas zëvendëskryeministrit të Kosovës, Besnik Bislimi zgjidhja për energjinë në veri do të finalizohet shumë shpejtë.
“Në kuadër të angazhimeve të deritanishme kemi përparuar dukshëm në gjetjen e një zgjidhje finale për energjinë në veri. Problematikë kjo e trajtuar në kuadër të dialogut që nga vitit 2013, por e pazgjidhur deri tani. Kjo temë është diskutuar me BE-në edhe në takimin e fundit, pritjet tona janë që e njëjta të finalizohet shumë shpejtë. Kjo do t’i hapte rrugë futjes në sistem legal gjithë shfrytëzuesve të energjisë duke vendosur parimin e barazisë… Për momentin jemi duke punuar për sigurimin e substancës së nevojshme për aranzhimin e takimit të radhës në nivel të krerëve të shtetit ku do të diskutohej për elementet e marrëveshjes gjithëpërfshirëse”, tha ai në seancën e Kuvendit, ku u debatua për dialogun me Serbinë.
Nga ana tjetër, më skeptik për vazhdimin e dialogut dhe arritjen e ndonjë marrëveshje në rrethanat aktuale është profesori i të drejtës dhe marrëdhënieve ndërkombëtare, Enver Hasani.
Ai thotë për KosovaPress, se dialogu do të pezullohet më shumë për shkak të zgjedhjeve në Serbi, se sa agresionit rus në Ukrainë. Hasani shprehet kritik edhe për idenë e arritjes së një marrëveshje për mossulmim ndërmjet Kosovës dhe Serbisë.
“Dialogu është i pezulluar, jo për shkak të agresionit ndaj Ukrainës, por për shkak se në Serbi ka zgjedhje, pala jonë akoma është duke punuar me arrit një konsensus me këqyrë me gjet disa rrugëdalje brenda. Ajo krye këput diktohet prej (zgjedhjeve në Serbi) pasi nuk dihet me kë duhet të diskutohet deri në prill dhe duhet me pa kush e ka forcën politike atje… Pjesa e marrëveshjes së mossulmimit dhe ata tituj me pompozitet janë për konsum të brendshëm, por jashtë ato tingëllojnë qesharake, siç edhe janë. Tingëllojnë anakronike veçanërisht tash, Ukraina dhe Rusia kanë nevojë për mossulmim dhe jo ne me Serbinë…Ajo është masë e mirëbesimit dhe ato nuk kanë çka të ekzistojnë sepse ne si Kosovë nuk kemi ushtri efektive, ne kemi ushtri në ndërtim e sipër, ligjërisht dhe faktikisht dhe pjesa e zonës (kufitare) me Serbinë është zonë e sigurisë që kontrollohet prej KFOR-it dhe nuk paraqet asnjë rrezik. Kjo masë e mirëbesimit mundet vetëm me u konstatuar, pasi ekziston”, thotë ai.
Pas disa muajsh stopimi, delegacionet teknike të Kosovës dhe Serbisë janë takuar në Bruksel më 22 shkurt, ndërkohë, është paralajmëruar edhe një takim para zgjedhjeve në Serbi më 3 prill.
Arritjen e një marrëveshje për energjinë në veri e ka kërkuar edhe sekretari i shtetit të ShBA-së, Antony Blinken.
“Ju inkurajoj që t’i kushtoni vëmendje arritjes së marrëveshjes për energji elektrike në veriun e Kosovës dhe për avancimin e qëllimeve të përbashkëta në lidhje me personat e pagjetur. Është në interes të Kosovës që këto çështje të zgjidhen dhe të çojnë drejt një zgjidhjeje kompromisi në planin afatshkurtër, e që të mund të shërbejnë si bazë për progresin e mëtejshëm drejt normalizimit gjithëpërfshirës”, ka shkruar Blinken në letrën dërguar kryeministrit, Albin Kurti.
![](https://gazetainfokus.com/wp-content/uploads/2023/12/414852708_7280633965309387_5391335122745764068_n-1130x635-1.jpg)
Të tjera
-
Sekuestrohen rreth 3 mijë libra shkollorë, dyshohet se ishin prodhuar pa të drejtë autoriale
Task-Forca Kundër Piraterisë dhe Falsifikimit sot më 4 shtator ka sekuestruar...
-
Policia gjen 100 bimë narkotike të mbjellura në një zonë të thellë malore në komunën e Gjakovës
Policia e Kosovës në një zonë të thellë malore në komunën e Gjakovës ka lokal...
-
Vrạsja e Sadri Sadriut në Bibaj, reagon djali i tij: Vajza e dajës e denoncoi në Preshevë, Prokuroria në Vranjë e hodhi poshtë
Sadri Sadriu u vra më 16 gusht në parkingun e një salle dasmash në fshatin Bi...
-
Prezenca e shtuar te Ura e Ibrit, deklarohet KFOR-i
KFOR sot u pa sërish me një prezencë të shtuar në Urën e Ibrit. Kjo është her...
-
SBAShK-u takon Kusari-Lilën, kërkohet ngritja e koeficientit të pagave
Përfaqësuesit e SBAShK-ut janë takuar me shefen e Grupit parlamentar të VV-së...
-
Ish-ndihmësi i Sekretarit amerikan të Shtetit: Qeveria e Kosovës po e bën Beogradin të duket si palë e dëmtuar
Ish-ndihmësi i Sekretarit amerikan të Shtetit, Daniel Fried, i ka thënë Radio...
-
Bislimi takohet me ambasadoren e re të Mbretërisë së Holandës në Kosovë, Karin Boven
Zëvendëskryeministri Besnik Bislimi ka mirëpritur sot në takim njoftues ambas...
-
Ilir Kulla: Serbia ka blerë avionët që bombạrduan Beogradin
Eksperti i Politikave të Sigurisë dhe Gjeopolitikës, Ilir Kulla, vlerëson se ...
-
Kurti: Për t’i përmirësuar kushtet arsimore çdo vit, e kemi rritur buxhetin
Në fshatin Dumosh të Podujevës është bërë përurimi i shkollës së re “Musli Du...
-
Bie nga ballkoni një person në Pejë
Një person në mesditën e sotme ka rënë nga ballkoni në Pejë. Kështu ka bër...
-
Vulin takohet me Putinin: Kur Rusia kujdeset për Serbinë, atëherë është me e lehtë për ne serbët
Presidenti rus Vladimir Putin foli me zëvendëskryeministrin serb Aleksandar V...
-
Simbolet serbe në institucionet paralele të Serbisë në veri të vendit, mbulohen me ato të Kosovës
Situata në pjesën Veriore të Kosovës sot raportohet të jetë e qetë. Në instit...