Lajme

Kosova dështon në INTERPOL

Autori: Gazeta inFokus 07:18 | 21 November 2018

Kosova ka dështuar të bëhet pjesë e Organizatës Ndërkombëtare të Policisë Kriminale (INTERPOL) në dy raundet e votimit. Në të parin, pro anëtarësimit votuan 76 vende anëtare, ndërkaq 56 ishin kundër.

Në të dytin Kosova doli edhe më keq, me vetëm 68 vota pro, 51 kundër, ndërkaq 16 shtete abstenuan. Në mesin e abstenuesve janë shtete të cilat e kanë njohur Pavarësinë e Kosovës, shkruan sot “Koha Ditore”. Kur është kumtuar rezultati i votimit kanë shpërthyer duartrokitjet në sallën e Asamblesë së Përgjithshme nga zyrtarët e Serbisë.

Edhe serbët e Kosovës kanë festuar mospranimin e Kosovës në INTERPOL. Qeveritarët të cilët e kishin marrë punë të kryer anëtarësimin, kanë refuzuar të marrin edhe përgjegjësinë për dështimin.

-Advertisement-

Ata kanë shpërthyer në akuza drejtuar Serbisë, por nuk kanë dhënë shenja se do të ndërmarrin masa reciproke. Zhgënjimin me Kosovën e kanë ndarë edhe disa shtete mike të cilat ndihmuan në lobim. Ndërkaq opozita ka kërkuar dorëheqjen e Qeverisë.

Subscribe në YouTube: GAZETA INFOKUSI
Etiketa:
Prince Caffe dhuron veturën “Kia Sportage” (VIDEO)
-Advertisement-

Të tjera

Fokusi

lajme