Kosnett: SHBA-ja asnjëherë nuk e ka shtyrë aktivisht ndonjë ndryshim të madh të kufijve
Autori: Gazeta inFokus 07:39 | 03 December 2019
Shtetet e Bashkuara janë të përqendruara jo vetëm për t’i kthyer Qeverinë e Serbisë dhe atë të Kosovës në tavolinën e negociatave, por edhe për t’i siguruar kushtet për përmbyllje të suksesshme të një marrëveshjeje gjithëpërfshirëse, ka thënë ambasadori i Shteteve të Bashkuara, Philip Kosnett, në një intervistë për “Kohën Ditore”.
Sipas tij, marrëveshja është e mundur të arrihet brenda vitit të ardhshëm. Gjatë viteve të kaluara, zyrtarë të Administratës amerikane kanë deklaruar që nëse Kosova dhe Serbia pajtohen për një marrëveshje gjithëpërfshirëse, e cila do të përfshinte ndonjë rregullim të kufirit, atëherë SHBA-ja do ta shikonte atë marrëveshje e nuk do ta hidhnin poshtë. Kosnett mendon se njerëzit e kanë keqkuptuar këtë, duke paramenduar se kjo nënkupton që Shtetet e Bashkuara aktivisht po e shtyjnë ndonjë ndryshim të madh të kufijve.
“Kurrë nuk ka qenë ashtu. Për më tepër, pozicioni ynë ka qenë që çfarëdo marrëveshje mes Kosovës dhe Serbisë duhet të jetë e pranueshme për popujt e dy vendeve, e jo vetëm për disa politikanë”, ka thënë Kosnett.
Por, sipas diplomatit amerikan, është e mundshme që Kosova dhe Serbia, si pjesë e marrëveshjes së përgjithshme, ta shikojnë mundësinë e shënimit të kufirit. Se a duhet konsideruar ky opsion, Kosnett ka thënë se kjo është pyetje për zyrtarët e të dyja qeverive – se a presin apo jo që të ketë diskutime për territore në të ardhmen.
Në vizitën që i pari i Shteteve të Bashkuara ua bëri ambienteve të reja të Grupit KOHA, ka folur edhe për sfidat që e presin qeverinë e ardhshme. Ai, po ashtu, ka thënë se është joreale të flitet për qeverisje pa e pranuar realitetin politik të Listës Serbe.
Ai u ka dhënë përgjigje edhe zërave që kërkojnë rishikimin e mandatit të Gjykatës Speciale. Sipas ambasadorit amerikan, çfarëdo përpjekje në këtë drejtim do të ishte tradhti ndaj Shteteve të Bashkuara dhe viktimave nga të gjitha komunitetet.
Të tjera
-
Masakra e Reçakut, Vulin: “Shqiptarët” s’kanë besë, BE-ja të përmbahet nga deklaratat nxitëse
Bashkimi Evropian ka përsëritur qëndrimin se nuk ka vend për t’i mohuar apo p...
-
Pas deklaratave të Vuçiq e Gjuriq reagon sërish Ambasada Amerikane
Presidenti serb, Aleksandar Vuçiq e Shefi i të ahstuquajturës zyrës serbe për...
-
Shijojeni edhe këtë të diele, këto janë temperaturat për sot
Instituti Hidrometeorologjik i Kosovës ka njoftuar se sot në vendin tonë do t...
-
Ganimete Musliu thotë që Xhelal Sveçla duhet t’i kërkoj falje Reçakut
Në fillim ishte Ivan Teodosijeviq, ish-ministër i Administratës e Pushtetit L...
-
U takua në Tiranë me Sveçlën, Gjinin e Abrashin, reagon partia e Gjuriq
Mbrëmë nga kryeqyteti i Shqipërisë, u bënë publike disa fotografi që dëshmojn...
-
Sërish tërmet në Shqipëri, ja sa ishte i fuqishëm
Një tjetër lëkundje sizmike është ndjerë pak minuta më parë në Shqipëri, shkr...
-
Haradinaj: Vëllain ma vranë kur isha në Hagë, për të nxitur vëllavrasje
Kryeministri në detyrë i Kosovës, Ramush Haradianaj, ka folur për vrasjen eni...
-
Latifi: Gjuriqi paradite fyen viktimat e Reçakut, pasdite pi kafe me politikanët kosovarë në Tiranë
Filozofi Blerim Latifi nga Partia Demokratike e Kosovës, ka reaguar lidhur me...
-
Vjen reagimi i parë nga Serbia pas takimit mes Sveçlës e Gjuriqit
Reagimet e para kanë ardhur nga Serbia pas publikimit të fotografive takimit ...
-
Edi Rama i shkruan Vuçiqit, pasi e mohoi Masakrën e Reçakut
Kryeministri shqiptar, Edi Rama, nëpërmjet një shkrimi në Twitter, ka reaguar...
-
Sveçla provon të arsyetohet për takimin me Gjuriqin, s’ia përmend hiç emrin
Anëtari i Lëvizjes Vetëvendosje, Xhelal Sveçla, ka thënë vetëm disa fjalë lid...
-
Makina del nga rruga, humb jetën shoferi
Një 37-vjeçar ka vdekur këtë të shtunë në një aksident automobilistik. Ngjarj...