Lajme

Koronavirusi: Putin i mbyll plotësisht kufijtë e Rusisë

Autori: Gazeta inFokus 00:13 | 29 March 2020

Rusia do të mbyllë plotësisht kufijtë e saj për të luftuar kundër përhapjes së koronavirusit të ri, njoftuan sot autoritetet ruse.

Sipas një dekreti të qeverisë, Rusia do të ndërpresë përkohësisht trafikun e të gjitha pikave kufitare rrugore, hekurodhore dhe detare dhe daljet duke nisur nga e diela në orën 21:00 GMT.

Rrugët e Moskës ishin sot të boshatisura me hyrjen në fuqi të masave të reja shtrënguese për të luftuar kundër përhapjes së koronavirusit përfshirë mbylljen e të gjitha tregjeve jothelbësore dhe restoranteve.

-Advertisement-

Kryeqyteti rus nuk ka urdhëruar kufizim të përgjithshëm, por i ka ashpërsuar këtë javë masat.

Që prej të enjtes, të moshuarit janë të ndaluar të dalin nga shtëpia dhe mbyllja e tregjeve dhe restoranteve hyri sot në fuqi.

Presidenti rus, Vladimir Putin u kërkoi rusëve të qëndrojnë në shtëpi dhe për këtë dekretoi një javë pushim.

Subscribe në YouTube: GAZETA INFOKUSI

Të tjera

Fokusi

lajme