Sport

Koreografi frikësuese, Dortmundi i shpartallon (Video)

Autori: Gazeta inFokus 13:20 | 25 October 2017

Mbrëmjen e së martës u zhvilluan ndeshjet e raundit të dytë të Kupës së Gjermanisë. Shorti i kishte vënë përballë inferiorëve të Magdeburgut, skuadër e kategorisë së tretë gjermane, gjigantët e Borussia Dortmundit.

Inferioriteti në fushë ishte i dukshëm, si përpara ndeshjes, ashtu edhe pas saj, duke parë rezultatin përfundimtar 5-0 për verdhezinjtë e Bundesligës.

Por tifozët ultras të Magdeburgut nuk mund ta linin një rast të tillë pa rënë në sy. Sektori i ultrasve bardheblu kishte organizuar një koreografi spektakolare, me protagonist “Jigsaw”, monstrën e serialit kinematografik “Saw”.

-Advertisement-

Edhe pse u përpoqën t’i frikësonin rivalët nga Bundesliga, duket se nuk ia dolën dot veçse të viheshin për pak kohë në qendër të vëmendjes.

Subscribe në YouTube: GAZETA INFOKUSI