Shumë njerëz po kthehen tek uji minaral, një lloj uji me gaz, si një alternative më e shëndetshme e pijeve me gaz. Në fakt, sasia e seltzerit të shitur në SH.B.A u dyfishua midis 2010 dhe 2019.

Megjithatë disa ekspertë kanë ngritur shqetësimin se uji me gaz mund të çojë në gërryerje të dhëmbëve, por ndihmon edhe për kapsllëkun.

Çfarë është uji mineral?

Uji mineral është ujë i përzier me dioksid karboni. Disa marka të ujit mineral kanë një pH të ulët sa 5, ndërsa uji i çezmës ka një pH neutral prej 7.

Uji mineral mund të ndikojë negativisht në shëndetin e dhëmbëve

Shoqata Stomatologjike Amerikane kërkon parandalimin e pirjes së pijeve acidike, pasi acidi mund të heqë shtresën e jashtë të smaltit që vesh dhëmbin tuaj dhe e mbron nga prishja.

Dhe duke qenë se uji mineral përmban acid, ekzistojnë disa shqetësime se pirja e tij mund të gërryen dhëmbët.

Pirja e ujit mineral me aromë mund të përbëjë potencialisht një rrezik më të madh për dhëmbët tuaj, pasi disa aroma natyrale si limoni përmbajnë acid. Ekzistojnë disa prova që acidi citrik mund të gërryejë smaltin e dhëmbëve me kalimin e kohës, gjë që mund të çojë në zgavra dhe prishje.

Në përgjithësi, uji mineral konsiderohet të jetë shumë më i shëndetshëm se pijet e tjera të gazuara si sodat që janë më acide dhe kanë përmbajtje më të lartë të sheqerit. Shumica e markave kryesore të ujit mineral nuk shtojnë asnjë sheqer në pijet e tyre me aromë, por përkundrazi, shtojnë aromë që janë pa kalori.

Është e rëndësishme që të mos zëvendësoni plotësisht ujin e pijshëm me ujin mineral, sepse uji i çezmës ka fluorid që ndihmon në mbrojtjen e dhëmbëve tuaj, thotë Melissa Majumdar, MS, RD, një dietologe në Spitalin Universitar Emory.

Përfitimet ujit mineral

Ndërsa ekziston mundësia që uji mineral me aromë të ndikojë negativisht në shëndetin tuaj të dhëmbëve, ka edhe shumë përfitime.

-Uji mineral mund t’ju ​​ndihmojë të qëndroni të hidratuar

Shumë prej nesh kanë probleme me konusmimin e ujë të mjaftueshëm gjatë gjithë ditës, gjë që mund të çojë në dehidrim, thotë Majumdar. Dehidratimi ka shumë efekte negative për shëndetin, ju mund të ndiheni më të lodhur dhe më pak të aftë për t’u përqendruar.

Majumdar thotë se uji mineral është po aq hidratues sa uji, kështu që nëse pirja e ujit me gaz ju ndihmon të pini më shumë, është një përfitim për shëndetin tuaj.

-Uji me gaz mund t’ju bëjë të ndjeheni më të ngopur

-Nëse po përpiqeni të zvogëloni kaloritë, pirja e ujit mineral para një vakt mund të ndihmojë.

-Mund të ndihmojë në lehtësimin e kapsllëkut

Ekzistojnë gjithashtu disa prova që uji mineral mund të jetë i dobishëm për njerëzit me kapsllëk.

Për shembull, një studim i vogël i botuar në 2011 në Gazetën e Akademisë Koreane të Infermierisë, zbuloi se njerëzit që pinin ujë të gazuar, kishin lëvizje më të shpeshta të zorrëve dhe më pak simptoma kapsllëku sesa ata që pinin ujë natyral.