Lifestyle

Konsumimi i kësaj perime ul rrezikun ndaj sëmundjeve të zemrës

Autori: Gazeta inFokus 10:00 | 09 January 2023

Zemra është një nga organet më të rëndësishme në trupin e njeriut.

Mosaktiviteti fizik, zakonet e këqija si ushqimet e yndyrshme, alkooli dhe cigaret, e dëmtojnë shumë këtë organ.

Prandaj, duket se nuk është gjithmonë e lehtë të kujdesesh për të. Megjithatë, si në shumicën e rasteve kur bëhet fjalë për shëndetin, disa zakone të vogla mund të bëjnë një ndryshim të madh.

-Advertisement-

Sipas Qendrave për Kontrollin dhe Parandalimin e Sëmundjeve të SHBA-së, çdo 40 sekonda një person përjeton atak në zemër, madje 30% e këtyre rasteve përfundojnë me vdekje.

Të dhënat tregojnë se rreth 50% e vdekjeve ndodhin para se personi të arrijë në spital.

Megjithatë, një studim tregoi se shpëtimi në atë moment është speci djegës.

Hulumtimi i shkencëtarëve italianë, i botuar në Journal of the American College of Cardiology, shqyrtoi efektin e specave djegës në rrezikun e vdekjes për shkak të një ataku në zemër.

Ky studim përfshiu 22,800 subjekte, duke përfshirë burra dhe gra. Janë analizuar të dhënat për gjendjen e tyre shëndetësore në periudhën ndërmjet viteve 2005 dhe 2015.

Pas kësaj, u ekzaminuan zakonet e tyre të të ngrënit, sipas të cilave autorët e studimit arritën në një përfundim interesant.

Ata zbuluan se njerëzit që konsumonin speca djegës të paktën katër herë në javë kishin 40 për qind më pak rrezik për të vdekur nga një atak në zemër sesa njerëzit që nuk e konsumonin.

Përveç kësaj, u tregua se njerëzit që konsumonin rregullisht këtë ushqim kishin 60 për qind rrezik më të ulët të vdekjes nga goditja në tru në krahasim me njerëzit që nuk e konsumonin rregullisht.

Nuk dihet ende saktësisht pse specat djegës kanë një efekt pozitiv në shëndetin e zemrës, por disa ekspertë besojnë se përbërësi që u jep specave nxehtësinë e tyre, dhe efektin e djegjes, mund të jetë përgjegjës për të.

Disa të dhëna tregojnë se mund të kenë një efekt në funksionimin e trombociteve. Megjithatë, mjekët kardiologë theksojnë se nuk mjafton ta shtosh këtë ushqim në një dietë përndryshe është i pashëndetshëm dhe që dëmton zemrën. Ata këshillojnë që të kujdeseni për dietën në përgjithësi dhe në të mund të përfshihet vetëm speci djegës.

Subscribe në YouTube: GAZETA INFOKUSI