Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës ka bërë sot konstituimin e tij, duke mbajtur mbledhjen e parë.

Driton Selmanaj, kryetar i Komisionit bëri të ditur se ky komision ka mandate 6-mujor.

Selmanaj tha se për këtë Komision duhet një buxhet i caktuar, pasi shtoi se duhet angazhuar ekspert që do t’i ndihmojnë, pasi tha se do të ketë punë të mëdha.

-Advertisement-

“Do të mblidhemi shumë shpejt për miratimin e planit të veprimit”, tha ai.

Mimoza Kusari-Lila, deputete e Vetëvendosjes, kërkoi që në mbledhjen e radhës të bëhet përgatitja e planit të punës.

Pal Lekaj, deputet i AAK-së tha se duhet të pajisen me dokumentacionin, dhe mbledhjen e radhës të dihet se kush është prioriteti.

“Nëse nuk e kemi dokumentacionin që duhet hetuar, atëherë nuk kemi bërë asgjë”, tha Lekaj.

Ndryshe ditë më parë Kuvendi i Kosovës ka votuar për formimin e komisionit hetimor parlamentar për energjinë, i propozuar nga PDK-ja dhe i mbështetur nga partitë e tjera opozitare.

Komisioni do të udhëhiqet nga deputeti i LDK-së, Driton Selmanaj, zëvendëskryesues Ferat Shalën dhe anëtare, deputeten Eliza Hoxha, Aleanca për Ardhmërinë e Kosovës (AAK) ka propozuar për anëtar deputetin Pal Lekaj, nga Lëvizja Vetëvendosje deputetët, Artan Abrashi, Enver Haliti, Jeta Statovci dhe Mimoza Kusari Lila.

Ndërkaq nga Lista Serbe , Adem Hoxhën si anëtar dhe grupi Multietnik, Fridon Lalën.

Po ashtu të martën është paraparë të bëhet konstituimi i Komisionit Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike.

Kryesues i këtij komisioni është deputeti nga Partia Demokratike e Kosovës (PDK), Hajdar Beqa, si dhe anëtari tjetër deputeti i kësaj partie, Rashit Qalaj.

Nga Lëvizja Vetëvendosje (LVV), do të jenë deputetët Armend Muja, Haki Abazi, Arbër Rexhaj, Halil Thaçi, zëvendës kryesues Armend Muja.

Nga Lidhja Demokratike e Kosovës (LDK), Armend Zemaj anëtar dhe deputetja Rezarta Krasniqi.

Nga Aleanca për Ardhmërinë e Kosovës (AAK), anëtare është deputetja Time Kadrijaj.

Nga Lista Serbe (LS) për anëtar është Ljubinko Karadziq, si dhe nga grupi multietnik për anëtare është Duda Balje.

Dy komisionet ngjallën debate në Kuvendin e Kosovës dhe ishin ‘mollë sherr” mes pozitës dhe opozitës.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-