Lajme

Konkluzionet e Këshillit të BE-së, përmendet vetëm urgjenca për progres në dialogun Kosovë-Serbi e jo vizat

Autori: Gazeta inFokus 22:29 | 23 June 2022

Barend Leyts, zëdhënës i Këshillit Evropian, ka publikuar konkulzionet e Këshillit Evropian për Ballkanin Perëndimor, pas samitit të liderëve të 27 vendeve të Bashkimit Evropian dhe atyre të Ballkanit Perëndimor.

Një prej konkluzioneve të këtij samiti ka qenë edhe urgjenca për progress në dialogun Kosovë-Serbi. Por, s’përmendet asnjë fjalë për liberalizimin e vizave, shkruan Gazeta Online Reporteri.net.

“Këshilli Evropian ripërsit nevojën urgjente e të bërit progres në zgjidhjen e mosmarrëveshjeve bilaterale dhe regjionale, posaqërisht në normalizimin e raporteve Kosovë-Serbi përmes dialogut”, është njëra prej konkluzioneve.

Ndryshe, Samiti mes liderëve të 27 vendeve të Bashkimit Evropian dhe atyre të vendeve të Ballkanit Perëndimor, ku nga Kosova mori pjesë Presidentja Vjosa Osmani, ka përfunduar sot pa asnjë rezultat konkret. Pritjet e kosovarëve për këtë samit ishin të mëdha, meqë shpresohej për liberalizim të vizave.

Të tjera

Fokusi

lajme