Konjufca takoi kryetarët e grupeve parlamentare, këto ishin pikat që u diskutuan
Autori: Gazeta inFokus 17:03 | 14 April 2021
Kryetari i Kuvendit të Republikës së Kosovës, Glauk Konjufca, takoi kryetarët e grupeve parlamentare, për të diskutuar dhe bashkërenduar aktivitetet lidhur me aspekte të ndryshme të punës së Kuvendit.
Kështu, në takim u diskutua për Rregulloren e re të Kuvendit, formimin e grupeve të miqësisë, formimin e delegacioneve të Kuvendit, si dhe finalizimin e përbërjes së komisioneve parlamentare.
Çfarë u konfiskua në operacionin e policisë ku u arrestuan 25 persona në disa qytete të Kosovës?
-Advertisement-
Duke folur lidhur me Rregulloren e re të Kuvendit, kryetari Konjufca njoftoi kryetarët e grupeve parlamentare se kjo çështje është trajtuar një kohë të gjatë por që si proces nuk është mbyllur ende. Ai shtroi nevojën e trajtimit të saj me urgjencë.
“Kemi nevojë për rregullore të re, e cila do t’i eliminonte problemet që kanë dalë në dhjetë vitet e fundit, prandaj jemi sot këtu për të diskutuar, duke pasur parasysh urgjencën e miratimit të këtij dokumenti bazë”, theksoi Konjufca.
Reklamë
Edhe kryetarët e grupeve parlamentare potencuan rëndësinë e shqyrtimit dhe miratimit të Rregullores së punës së Kuvendit brenda një afati sa më të shkurtër kohor.
Në këtë pikë u konstatua që nëpërmjet një akti të cilin e lëshon kryetari i Kuvendit në mbështetje të kryetarëve të grupeve parlamentare, t’i drejtohet Komisionit për Legjislacion, e që nga i njëjti kërkohet përmbyllja e punëve të mbetura përkitazi me Rregulloren e re të Kuvendit.
Në këtë mbledhje u diskutua edhe për formimin e grupeve të miqësisë, me ç’rast u theksua se duhet rifunksionalizuar grupet e legjislaturës së kaluar, e po ashtu duhet shqyrtuar edhe mundësinë e formimit të grupeve të reja.
Në vazhdim, u diskutua edhe për formimin e delegacioneve të Kuvendit, të cilat do të përfaqësojnë institucionin në organizata ndërkombëtare. Kryetari Konjufca njoftoi kryetarët e grupeve parlamentare me numrin e delegacioneve dhe me numrin e anëtarëve përfaqësues.
Më pas, u diskutua edhe lidhur me nevojën e finalizimit të përbërjes së komisioneve parlamentare, duke shtruar nevojën për plotësim-ndryshimet që duhet bërë dhe miratimin e tyre në seancën e ardhshme.
Në këtë mbledhje u diskutuan edhe çështje tjera me interes për punën e Kuvendit.
Të tjera
-
Zhduket një grua në Skënderaj
Policia e Kosovës ka njoftuar për zhdukjen e një gruaje në Skënderaj. Poli...
-
Tre të lënduarit nga përleshja e mbrëmshme në “Rrugën B” po trajtohen në QKUK
Tre persona janë lënduar mbrëmjen e së mërkurës në Prishtinë te “Rruga B”, pa...
-
Arrestohen 8 efektivë të policisë kufitare në Mal të Zi, iu morën ryshfet edhe kosovarëve
Policia malazeze arrestoi 8 policë kufitarë të dyshuar për marrje ryshfetesh ...
-
Sindikata e Re e KEK-ut, Administratës dhe Minatorëve të Trepçës thërrasin konferencë për media
Sindikata e Re e KEK-ut, Administratës dhe Minatorëve të Trepçës thërrasin ko...
-
Sot mblidhen katër komisione parlamentare në Kuvend
Sot takohen katër komisione parlamentare për të shqyrtuar çështje të ndryshme...
-
Makina e parë fluturuese bën udhëtimin e parë në Sllovaki!
Legjenda e muzikës Jean-Michel Jarre bëhet pasagjeri i parë në makinën flutur...
-
34 vjet nga vdekja e veprimtarit Fadil Vata
Sot mbushen 34 vjet nga vdekja e veprimtarit të çështjes kombëtare Fadil Vata...
-
Siguroi fshehtas raketa balistike me rreze të gjatë veprimi nga SHBA, Ukraina i përdor për herë të parë! Godet Rusinë
Ukraina ka filluar të përdor për herë të parë raketa balistike me rreze të gj...
-
Siljanovska e Pendarovski në balotazh për president, Osmani del i treti
Në Maqedoninë e Veriut, qytetarët votuan të mërkurën për të zgjedhur presiden...
-
Mot sot i vranët dhe vende-vende me riga të dobëta shiu
Instituti Hidrometeorologjik i Kosovës ka njoftuar se sot mban mot i vranët d...
-
Në Hagë vazhdon gjykimi ndaj ish-krerëve të UÇK-së
Në Dhomat e Specializuara të Kosovës (DHSK) në Hagë, sot vazhdon gjykimi i Th...
-
Sot në Bruksel zhvillohen takimet e radhës në kuadër të dialogut
Kryenegociatorët e Kosovës dhe Serbisë, Besnik Bislimi dhe Petar Petkoviq pri...