Lajme

Konjufca priti në takim presidentin e Malit të Zi

Autori: Gazeta inFokus 14:46 | 18 May 2022

Kryetari i Kuvendit të Kosovës, Glauk Konjufca, ka pritur sot në takim presidentin e Malit të Zi, Milo Gjukanoviq, i cili po qëndron për një vizitë zyrtare, shkruan Gazeta Infokus.

Nga Kuvendi kanë njoftuar se në këtë takim u diskutua për aktualitetin politik, zhvillimet në rajon, agresionin rus në Ukrainë.

“Kryetari Konjufca shprehu mirënjohje për mbështetjen e presidentit Gjukanoviq dhe Malit të Zi ndaj Kosovës, derisa theksoi se forcimi i mëtejmë i raporteve të ndërsjella fqinjësore është një kontribut shtesë për
stabilitetin në Ballkan dhe perspektivën e përbashkët euroatlantike”, thuhet në komunikatën e Kuvendit.

Gjithashtu, në këtë komunikatë bëhet e ditur se Gjukanoviq e falënderoi Kryetarin e Kuvendit për pritjen dhe konfirmoi mbështetjen e Malit të Zi për anëtarësimin e Kosovës në Këshillin e Evropës dhe organizatat tjera
ndërkombëtare./Gazeta Infokus/

Të tjera

Fokusi

lajme