Lajme

Konjufca pret në takim delegacionin nga Azia Jugore, diskutuan për rritje bashkëpunimi mes të dyja vendeve

Autori: Gazeta inFokus 15:49 | 22 November 2024

Kryetari i Kuvendit të Kosovës, Glauk Konjufca, ka pritur sot në takim delegacionin nga Azia Jugore të përbërë nga profesorë, studiues, anëtarë institutesh dhe gazetarë që vijnë nga vende si Nepali, Bangladeshi, India dhe Maldivet.

Pasi i falënderoi për vizitën, Konjufca u shpreh rreth kompozimit gjeopolitik evropian, ku bën pjesë edhe Republika e Kosovës, si dhe nevojën për një bashkëpunim sa më progresiv dhe veror mes vendeve të kontinentit të Evropës dhe Azisë.

Po ashtu, Konjufca dhe mysafirët diskutuan rreth çështjeve të ndryshme ku përfshihet nevoja për rritje të bashkëpunimit mes Kosovës dhe vendeve të Azisë Jugore në fusha të tregtisë, por edhe të parlamentarizmit, nevojën për njohjen e Kosovës nga vendet mosnjohëse të këtij rajoni, për rëndësinë e parlamentarizmit dhe rolin e mediave.

“Mysafirët të cilët gjenden në Prishtinë për të marrë pjesë në Konferencën “Prishtina Dialogue”, e falënderuan kryetarin Konjufca për pritjen dhe diskutimin përmes të cilit u njohën së afërmi me pikëpamjet, kontekstin e vendit dhe rajonit tonë, përbrenda një bote ku sfida e distancës gjeografike duhet të humbë rëndësi përballë nevojës së bashkëpunimit në nivel të shteteve, organizatave dhe qytetarëve”, thuhet në njoftimin e Kuvendit.

-Advertisement-

Subscribe në YouTube: GAZETA INFOKUSI
Viva Fresh sjell programin XL: 10% zbritje gjatë gjithë vitit!
-Advertisement-

Të tjera

Fokusi

lajme