Lajme

Konjufca pret në takim ambasadorin italian në Kosovë

Autori: Gazeta inFokus 18:25 | 16 January 2024

Kryetari i Kuvendit, Glauk Konjufca, ka pritur në takim ambasadorin e Italisë në Kosovë, Antonello De Riu.

“Kryetari Konjufca vlerësoi marrëdhëniet shumë të mira mes dy vendeve dhe i shprehu mirënjohje Ambasadorit De Riu për mbështetjen e vazhdueshme që Italia mike, si një ndër aleatët më të rëndësishëm, i ka dhënë ndër vite Kosovës në proceset e shtetndërtimit, integrimit evropian dhe forcimit të subjektivitetit ndërkombëtar.”

Kësisoj, Konjufca kërkoi vazhdim të mbështetjes për proceset integruese të Kosovës.

-Advertisement-

Ambasadori De Riu falënderoi Kryetarin Konjufca për pritjen dhe konfirmoi përkrahjen e shtetit italian për Kosovën.
“Po ashtu në takim u ritheksua gatishmëria e dyanshme për thellimin e bashkëpunimit në fusha me interes të përbashkët në mes dy vendeve.”

Subscribe në YouTube: GAZETA INFOKUSI