Lajme

Konjufca: Populli i Kosovës do t’u jetë përjetë mirënjohës shteteve anëtare të NATO-s

Autori: Gazeta inFokus 11:23 | 24 March 2023

Kryetari i Kuvendit të Kosovës, Glauk Konjufca ka rikujtuar 24-vjetorin e fillimit të sulmeve ajrore të NATO-s kundër forcave ushtarake e policore të Serbisë.

Dita e 24 marsit e vitit 1999 nuk harrohet nga qytetarët e Kosovës pasi në atë ditë nisën sulmet e NATO-s ndaj caqeve të Serbisë, sulme këto që pas 78 ditësh sollën lirinë dhe i dhanë fund gjenocidit të Serbisë në Kosovë.

Konjufca në një postim në Facebook tha se populli i Kosovës do t’u jetë përjetë mirënjohës shteteve anëtare të Aleancës së NATO-s dhe misionit ushtarak KFOR për gjithë çfarë kanë bërë dhe vazhdojnë të bëjnë për lirinë, paqen, stabilitetin dhe sigurinë e Republikës së Kosovës.

-Advertisement-