Lajme

Konjufca për rastin e Berishajt, ka një këshillë për deputetët që folën për këtë çështje

Autori: Gazeta inFokus 11:07 | 28 April 2022

Kryetari i Kuvendit të Kosovës, Glauk Konjufca, në seancën e sotme ka komentuar lidhur me rastin e ambasadorit të Kosovës në Kroaci, Martin Berishajt, shkruan Gazeta Infokus.

Kjo pasi ky i fundit sipas mediave sllovene po dyshohet se ka gisht në një skandal financiar.

Lidhur me këtë çështje u diskutua edhe në kuvend ku deputetët opozitar kërkuan shkarkimin e Berishajt.

Ndërkaq, kryepalamentari kërkoi që deputetët të kenë kujdes në deklarimet e tyre rreth këtij rasti, sepse bëhet fjalë edhe për kryeministrin slloven.

“Nëse mund ta ndajë me ju një këshillë për të gjithë që folën lidhur më këtë tematikë edhe unë mendoj që është shumë me rëndësi që të sqarohet dhe besoj shumë që do të sqarohet, por vetëm ju kisha lut me një mirëkuptim shumë miqësor për një kujdes sa i përket një dimensioni, e ky dimension është që zoti Berishaj ishte një dëm kolateral në këtë betejë mendoj. Edhe aspekt sekondar i shkëputjes prej kontekstit të përgjithshëm, e konteksti i përgjithshëm duhet të kemi parasysh ishte goditja e atij që nesër mund të jetë kryeministër i Sllovenisë dhe të cilit i besoj populli slloven. Ai nesër do ta vizitojë Kosovën si kryeministër i Sllovenisë dhe menoj që ti thuhet të merret si absolutisht e vërtetë, të mos ketë së paku në mënyrën qysh thuhen çështjet edhe kritika. Një distancim me një kujdes elementar sa i përket shteti slloven, votuesti slloven, zgjedhjeve sllovene edhe kryeministrit të nesërm slloven, e të nënkuptohet që në po pozicionohemi për të si për një shpërlarës të parave, kjo mënoj që vetëm në këtë aspekt duhet të kemi kujdes. Sa i përket të tjerave besoj që do të sqarohen të gjitha dhe varësisht kushdo që ka përgjegjësi për gjithçka do ta merr vendimin e merituar”, ka thënë Konjufca./Gazeta Infokus/

Të tjera