Lajme

Konjufca: Pa SHBA-në liria e Kosovës do të kishte qenë pothuajse e paimagjinueshme

Autori: Gazeta inFokus 12:25 | 13 December 2023

Kryetari i Kuvendit të Kosovës, Glauk Konjufca, gjatë vizitës në SHBA, zhvilloi takim me përfaqësues të diasporës shqiptare në Konsullatën e Përgjithshme të Kosovës në New York.

Konjufca tha se në SHBA ndihet si në shtëpinë e vet, pasi që sipas tij ky vend ishte më miqësori në histori për Kosovën.

“Pa mbështetjen e SHBA-së do të kishte qenë shumë e vështirë arritja e lirisë tonë, është pothuajse e paimagjinueshme. Në të vërtetë për të gjitha këto që kemi arritur po të mos ishte në botë demokracia më e fuqishme edhe shteti më i fuqishëm i botës, të cilit duhet t’i falënderohemi Zotit që është demokraci më e fuqishme e botës që është SHBA”, tha Konjufca.

-Advertisement-

Ai tha se duke filluar që nga vitet e 80-ta kontributi i SHBA-së ishte vendimtar për lirinë dhe pavarësinë e Kosovës.

“E unë mendoj që komuniteti shqiptar që jeni ju këtu që jetoni ka qenë faktori më i rëndësishëm për me ndërtu urat lidhëse edhe për me na besu SHBA-ja që ne e kemi me të drejtë kauzën tonë, që ne kemi të drejtë në lirinë tonë, edhe me bind SHBA-në për me na ndihmu’, tha Konjufca.

I pari i Kuvendit falënderoi mërgatën shqiptare në SHBA për kontributin që ka dhënë për shtetndërtimin e Kosovës.

“Ju keni bërë shumë më shumë se sa që dihet, se që shkruhet, se që mundesh me pa në filma dokumentar e sa që mundemi me gjet në libra keni bërë për popullin shqiptar”, tha Konjufca.

 

Subscribe në YouTube: GAZETA INFOKUSI
Etiketa:
Shijoni eksperiencën e re të blerjes në Meridian Express x EXFIS!
-Advertisement-

Të tjera

Fokusi

lajme