Konjufca në karrigen e ish-udhëheqësit të SHIK-ut
Autori: Gazeta inFokus 17:11 | 26 December 2019
Kryetari i ri i Kuvendit të Kosovës, Glauk Konjufca, në madatin e kaluar si deputet është përballur me një nga akuzat më të rënda për të kaluarën e tij.
Ai është akuzuar si ish punëtor i Shërbimit Informativ të Kosovës, të cilin Vetëvendosja, partia të cilës i takon Konjufca e ka akuzuar dhe apostrofuar si organizatë kriminale, shkruan gazeta inFokus.
Të enjten, ai është ulur pikërisht në karrigen, në të të cilën zinte vend deri më tani Kadri Veseli, ish-udhëheqës i SHIK-ut.
Ishte deputeti i PSD-së, Dardan Molliqaj, i cili në legjislaturën e kaluar ka paraqitur disa dëshmi, në të cilat Glauk Konjufca i Vetëvendosjes shihej se ishte pjesë e SHIK’ut për një vit të tërë.
Molliqaj, madje kishte publikuar edhe kontratën me të cilën Konjufca ishte angazhuar në këtë organizatë.
Përkundër kësaj, Konjufca zgjodhi që në Kuvend të mos e qesë as edhe një fjalë të vetme si kundërpërgjigje.
Megjithatë, Konjufca është deklaruar jashtë sallës së Kuvendit duke i mohuar pretendimet e Molliqajt.
“Unë kurrë nuk kam qenë në SHIK dhe as kam punuar kurrë në të. Ky i sotshmi ishte një film shumë i dobët fatastiko-shkencor i Molliqajt. Ai gënjeu sërish meqë para pak ditësh premtoi me shumë bujë nxjerrjen e “dokumenteve” kundër meje, kurse sot ra në nivelin e llafeve “me të dëgjuar”. Dardani definitivisht nuk po e kuptoka se çka është dokumenti si i tillë. Ky person është shumë joserioz dhe gjynah për Kuvendin që është deputet. Sidoqoftë, po ia jap edhe 24 orë afat për të nxjerrë çfarëdo “dokumenti”, qoftë bre edhe dokument të fallsifikuar. Nëse deri nesër në orën 16 nuk qet asnjë fakt, atëherë definitivisht pres të më kerkojë falje”, pati thënë Konjufca.
Ish-Deputeti i Partisë Socialdemokrate, Dardan Molliqaj ka thënë se Glauk Konjuca, ka shërbyer në Shërbimin Informativ të Kosovës në vitin 2000 dhe 2001 dhe se rekrutimin e tij e kishte bërë Fadil Lepaja. Molliqaj ka thënë se paga që ka marrë Konjufca ka qenë 150 marka.
Sipas tij, Konjufca ka dalë nga SHIK-u për shkak të pagës së ulët./Gazeta inFokus/
Të tjera
-
Raporti i Bankës Botërore, ekonomisti kosovar: Ministri Murati ka mungesë të dijes se si nxirren këto rezultate
Sipas raportit të fundit të Bankës Botërore, vetëm 37% e popullsisë së aftë p...
-
Bajqinovci ankohet në opozitën: Prej mëngjesit deri në darkë, janë nëpër emisione
Deputeti i Lëvizjes Vetëvendosje, Mefail Bajqinovci ka ironizuar me opozitën....
-
Rohde: Gjashtë vendet e Ballkanit Perëndimor kanë përfituar nga Procesi i Berlinit
Ambasadori i Gjermanisë në Kosova, Jorn Rohde, ka deklaruar se gjashtë vendet...
-
Stano konfirmon takimin e kryenegociatorëve në Bruksel për dialogun Kosovë-Serbi
Të enjten e 24 tetorit, në Bruksel pritet të zhvillohet rundi i ri i takimeve...
-
Nënshkruhen dy marrëveshje të grantit për energji efiçiente në Prizren me vlerë 1 milion euro
Sot janë nënshkruar dy marrëveshje të grantit në kuadër të projektit “Energji...
-
Postera provokues për Policinë e Kosovës, plazmën e VV-në vendosen në veri të Mitrovicës
Disa postera janë vendosur në pjesë të ndryshme në Mitrovicë të veriut të pre...
-
Rruga Prishtinë-Podujevë drejt përfundimit
Rruga Prishtinë-Podujevë është drejt përfundimit. Kështu bëhet e ditur në ...
-
Shpëtohet një shtetase bullgare e ngujuar në shtegun e Via Ferrata-s në Deçan
Shërbimi i Kërkim-Shpëtimit Malor i Kosovës ka njoftuar se në një operacion g...
-
Ministria e Mbrojtjes mohon se FSK-së i ka humbur një dron
Ministria e Mbrojtjes e ka mohuar se FSK-së i ka humbur një dron. Nëpërmje...
-
Policia shqiptoi mbi 2500 gjoba trafiku për 24 orë
Policia e Kosovës ka bërë të ditur se brenda 24 orëve të kaluara ka shqiptuar...
-
Vdekja tragjike e Liam Payne, flet ish-truproja i tij shqiptar: Qava si fëmijë, e kisha si djalë
Joni Proni, i cili për 14 vite ka shërbyer si truproja personal i Liam Payne,...
-
Gjakovarit i vidhet vetura në parking
Një burrë ka njoftuar policinë në Gjakovë se persona të panjohur ia kanë vjed...