Lajme

Konjufca lëshon seancën pas fjalës së Ganimete Musliut: Lirojeni karrigen, s’ju ka mbet tjetër veç të dilni në rrugë…

Autori: Gazeta inFokus 12:29 | 12 October 2023

Deputetja e Partisë Demokratike të Kosovës, Ganimete Musliu, kërkoi nga kryetari i Kuvendit, Glauk Konjufca që ta liroj karrigen e kryesuesit të seancës së Kuvendit pasi VV-ja bojkotoi debatin për mbështetjen urgjente për policinë.

Ajo i tha Konjufcës se edhe ai është fajtorë për këtë që po ndodhë në Kuvendin e Kosovës pasi ka ndikim në VV.

“Kjo pamje tregon se ku i keni katandisur institucionet e vendit, kryetar nuk jeni krejtësisht i pafajshëm pasi nuk jeni pa fuqi politike keni ndikim në partinë e juaj, prandaj ju ftoj ta lironi karrige, të ia lironi karrigen një nënkryetari, s’ju ka mbet tjetër veç të dilni në rrugë dhe të protestoni pse nuk po nënshtrohet opozitën”, u shpreh deputetja Musliu.

-Advertisement-


Pas fjalës së Musliut, Konjufca tha se pajtohet me kërkesën e saj dhe ia liron karrigen njërit nga nënkryetarëve të Kuvendit,

“Pajtohem plotësisht me kërkesën tuaj, seancën le ta udhëheqë ose nënkryetari juaj apo nënkryetari i LDK-së”, u shpreh Konjufca.

Pas largimit edhe të Konfufcës seanca veçse përfundoi pa debat tjetër parlamentar.

Subscribe në YouTube: GAZETA INFOKUSI
Etiketa:
Meridian Express hap marketin e ri në qytetin e Mitrovicës Veriore!
-Advertisement-

Të tjera

Fokusi

lajme