Lajme

Konjufca e pret në takim Senatoren e Nju Jorkut, flasin për forcimin e marrëdhënieve: Kemi interesa dhe synime të përbashkëta

Autori: Gazeta inFokus 15:07 | 15 August 2023

Kryeparlamentari Glauk Konjufca e ka pritur sot në takim Senatoren e Shtetit të Nju Jorkut, Nathalia Fernandez.

Konjufca, siç njoftoi Kuvendi, e ka falënderuar Gernandezin për “kontributin e pakrahasueshëm të Shteteve të Bashkuara dhe Shtetit të Nju Jorkut ndaj vendit tonë”, si dhe për “meritat e Senatit dhe Kongresit Amerikan në intensifikimin e bashkëpunimit dhe forcimin e marrëdhënieve ndërmjet shteteve tona”.

“Kreu i Kuvendit shprehu mirënjohje për punën e saj të jashtëzakonshme ndër vite me komunitetin e gjerë shqiptaro-amerikan në Nju Jork, komunitetin që, siç tha kryetari Konjufca, është simboli më i mirë i raporteve të ngushta historike mes popujve tanë, interesave dhe synimeve tona të përbashkëta”, thuhet në komunikatë.

-Advertisement-

Fokus i bisedës, sipas Kuvendit, ishin “marrëdhëniet e shkëlqyera midis dy vendeve mike dhe aleate, si pikënisje nga ku merr kahje vazhdimësia dhe thellimi i mëtejmë i raporteve miqësore”.

Subscribe në YouTube: GAZETA INFOKUSI
Etiketa:
Comodita po tërheq klientë seriozë në Panarin IMM, në Këln të Gjermanisë
-Advertisement-

Të tjera

Fokusi

lajme