Lajme

Kongresisti amerikan Michael Turner vjen nga Serbia në Kosovë, takohet me Osmanin

Autori: Gazeta inFokus 12:14 | 31 August 2023

Presidentja Vjosa Osmani është takuar me kongresistin amerikan Michael Turner i cili është edhe kryetar i Komitetit të Përhershëm të Dhomës së Përfaqësuesve të SHBA-ve për Shërbimet e Inteligjencës.

Turner të mërkurën ka qëndruar për vizitë në Serbi. Në Beograd, ai është pritur në takim nga presidenti serb Aleksandar Vuçiq.

Pas takimit, kreu i shtetit serb tha se Serbia është “e përkushtuar ndaj zhvillimit shtesë të bashkëpunimit të përgjithshëm me SHBA-në”.

-Advertisement-

Siç është njoftuar në profilin e Aleksandër Vuçiqit në Instagram, ata kanë diskutuar për marrëdhëniet dypalëshe, rrugën evropiane të Serbisë dhe çështje të tjera rajonale dhe globale në takimin e 30 gushtit në Beograd.