Lajme

Konfiskohen mbi 160 arka me birra, raki, çaj, kafaze dhe pula në një fshat të Kamenicës

Autori: Gazeta inFokus 10:34 | 20 November 2021

Gjatë patrullimit të policisë në fshatin Kromjan të Kamenicës, policia në dy lokacione të ndryshme ka arritur të konfiskoj birra, raki, çaj, kafaze dhe pula, shkruan Gazeta Infokus.

Policia ka bërë të ditur se në fillimi ka ndalur një kosovar i cili ishte duke drejtuar një traktor me rimorkio. I dyshuari kishte kaluar kufirin ilegalisht Serbi-Kosovë.

“Gjatë kontrollit në rimorkio kishte 84 arka x 20 shishe birra dhe 12 kafaze me 150 copë pula që dyshohet t’i ketë kontrabanduar”, thuhet në raportin e policisë.

-Advertisement-

Me vendim të prokurorit malli dhe traktori i janë sekuestruar ndërsa i dyshuari është liruar në procedurë të rregullt.

Ndërsa në rastin e dytë patrulla policore ka sekuestruar një rimorkio të traktorit, pasi në të kishte mall të kontrabanduar.

“Në rimorkio kishte të ngarkuar : 78 arka x 20 shishe birra, tri paketa x 6 shishe raki , çaj 1 pako 5.835 kg dhe disa korniza për vendosjen e targave”, thuhet në raportin e policisë, ndërsa nuk raportohet për të arrestuar.

Dy rastet po cilësohen si kontrabandim me mallra. /Gazeta Infokus/

Subscribe në YouTube: GAZETA INFOKUSI
Etiketa:

Të tjera

Fokusi

lajme