Lajme

Konferenca e Sigurisë në Mynih: Albin Kurti nuk merr pjesë në nëshkrimin e marrëveshjes

Autori: Gazeta inFokus 10:28 | 14 February 2020

Kosova dhe Serbia kanë nënshkruar këtë të premte në Mynih të Gjermanisë, dy letra të shprehjes së interesit, atë për autostrada dhe atë për hekurudha përmes së cilave të dy vendet shprehin gatishmërinë për hapjen e rrugëve ekzistuese, por edhe për ndërtimin e rrugëve të reja që lidhin dy shtetet me rajonin dhe me BE-në.

Nënshkrimi i letrave të interesit ndodhi pak para fillimit të Konferencës së Sigurisë në Munih, por aty nuk u pa Albin Kurti kryeministri i Kosovës.

Këto marrëveshje, u arritën me ndërmjetësimin e ambasadorit amerikan në Gjermani, Richard Grenell, i cili është edhe i dërguari i posaçëm i presidentit amerikan Donald Trump për dialogun në mes të Kosovës dhe Serbisë. Në ceremoninë e nënshkrimit kanë marrë pjesë presidenti i Kosovës, Hashim Thaçi, ai i Serbisë, Aleksandar Vuçiq si dhe ambasadori Richard Grenell.

-Advertisement-

Për palën kosovare marrëveshjet i kanë nënshkruar Xhemë Veselit, drejtor i Transportit Rrugor dhe Ramë Qupeva, drejtor i Infrastrukturës Rrugore. Kurse nga pala serbe, të dy marrëveshjet i ka nënshkruar drejtori i të ashtuquajturës Zyrë për Kosovën në Qeverinë e Serbisë, Marko Gjuriq./ Gazeta inFokus/

Subscribe në YouTube: GAZETA INFOKUSI

Të tjera

Fokusi

lajme