Uncategorized

KON-i: Lojërat olimpike shkojnë përtej politikës

Autori: Gazeta inFokus 11:12 | 08 December 2021

Në reagim ndaj “bojkotit diplomatik” nga ShBA-ja të Lojërave Olimpike dhe Paralimpike Dimërore të Pekinit 2022, Komiteti Olimpik Ndërkombëtar (KON) ka ritheksuar që lojërat olimpike dhe pjesëmarrja e sportistëve shkojnë përtej politikës.

“Prania e zyrtarëve qeveritarë dhe e diplomatëve është një vendim krejtësisht politik për çdo qeveri, të cilin KON-i me asnjanësinë e vet politike e respekton plotësisht. Njëkohësisht, ky njoftim e bën të qartë se Lojërat Olimpike dhe pjesëmarrja e sportistëve shkojnë përtej politikës dhe ne e mirëpresim këtë”, tha KON-i në një deklaratë të hënën.

Juan Antonio Samaranch, kreu i komisionit koordinues të KON-it për Lojërat Olimpike të Pekinit, tha në një konferencë virtuale për shtypin se “ne kërkojmë gjithmonë sa më shumë respekt dhe ndërhyrje sa më të vogël nga bota politike”.

-Advertisement-

“Ne jemi jashtëzakonisht krenarë, të lumtur dhe plot shpresë që të gjithë sportistët e botës do të jetojnë në paqe për 59 ditë në Pekin,” tha ai.

Subscribe në YouTube: GAZETA INFOKUSI

Të tjera

Fokusi

uncategorized