Lajme

Komunës së Prishtinës dekorimi i kushtoi tetë mijë euro më shtrenjtë

Autori: Gazeta inFokus 22:17 | 03 December 2017

Edhe pse kishte planifikuar 50 mijë euro për dekorimet e fundvitit, Komunës së Prishtinës ky aktivitet do t’i kushtojë gati 58 mijë euro.

Komuna e Prishtinës ka bërë të ditur për publikun se ka nënshkruar kontratën për dekorimin e qytetit me drita dekorative dhe bredha për festat e fundvitit.

Komuna e Prishtinës njoftimin për nënshkrimin e kontratës në vlerë prej 57 mijë e 940 eurove e publikoi në faqen zyrtare të Komisionit Rregullativ për Prokurim Publik (KRPP).

-Advertisement-

Sipas njoftimit, dekorimi i qytetit për festat e fundvitit i është besuar kompanisë “Anea” NPT.

Për këtë tender Komuna e Prishtinës kishte paraparë procedurë të hapur me kriter çmimin më të ulët.

Por mjetet e planifikuara për këtë aktivitet të prokurimit rezulton se nuk ishin të planifikuara mirë.

Bazuar në njoftim, Komuna kishte ndarë 50 mijë euro, ndërsa kontrata e nënshkruar për këtë tender kaloi parashikimin për 7 mijë e 940 euro.

Subscribe në YouTube: GAZETA INFOKUSI
Etiketa:
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine
-Advertisement-

Të tjera

Fokusi

lajme