Lajme

Komunat e Kosovës në hall nga ikja e fuqisë punëtore

Autori: Gazeta inFokus 14:17 | 01 March 2024

Ikja e punëtorëve nga Kosova tashmë është bërë fenomen i përditshëm.

Specialistë të fushave të ndryshme, policë e shumë të tjerë kanë marrë rrugën drejt emigrimit për kushte më të mira të punës.

Drejtori i Asociacionit të Komunave të Kosovës, Sazan Ibrahimi, ka ngritur shqetësimin për largimin nga vendi të zyrtarëve komunalë.

-Advertisement-

Ibrahimi për IndeksOnline-n tha se ky shqetësim ka filluar të ngrihet nga shumica e komunave.

“Gjatë kësaj periudhe edhe komunat janë duke u ballafaquar me problemin e largimit nga puna të specialistëve të fushave të ndryshme, por edhe zyrtarë komunalë. Shumë zyrtarë komunalë, sidomos ata të specializuar në fushat e inxhinierisë, gjeodezisë inspektorateve komunale, janë duke marrë vendime për ndërprerjen e kontratave të punës”, ka thënë Ibrahimi.

Sipas Ibrahimit, problemet kryesore janë pagat e ulëta.

“Arsyet kryesore janë të ardhurat personale, të përcaktuara me ligjin e pagave dhe për shkak të fillimit të zbatimit të ligjit për zyrtarët publikë. Këta zyrtarë të fushave të ndryshme janë duke u ankuar që me pagat ekzistuese nuk po mund t’a dalin deri në fund të muajit. Ata vlerësojnë se këto paga duhet të rriten dhe që pagat e tashme nuk janë të dinjitetshme dhe meritore për punën dhe angazhimet e tyre në komuna”, tha ai.

Subscribe në YouTube: GAZETA INFOKUSI

Të tjera