Lajme

Komuna reagon për vinçin e rrëzuar në Prishtinë: Fatmirësisht nuk ka të lënduar

Autori: Gazeta inFokus 20:32 | 22 April 2025

Një incident ka ndodhur sot në Prishtinë, ku një vinç ndërtimi është rrëzuar pranë një objekti banesor dhe rrugës përreth. Fatmirësisht, siç konfirmon Komuna e Prishtinës, nuk ka pasur të lënduar në njerëz, por janë shkaktuar dëme materiale.

Në një reagim zyrtar të komunës, Drejtoria për Siguri dhe Emergjenca ka bërë të ditur se ka ndërhyrë menjëherë pas incidentit, duke angazhuar ekipet emergjente në terren për menaxhimin e situatës. Po ashtu, në vendin e ngjarjes kanë dalë hetuesit policorë dhe inspektorët e ndërtimit për të vlerësuar rrethanat dhe shkallën e dëmeve.

Sipas komunës, rrëzimi i vinçit ka shkaktuar dëmtime në një pjesë të rrugës afër një pusetë kanalizimi si dhe në një pjesë të fasadës së një ndërtese banesore përballë vendit ku po kryheshin punimet ndërtimore.

-Advertisement-

Komuna ka bërë thirrje për vigjilencë të shtuar dhe apelon që çdo rast i ngjashëm të raportohen menjëherë në numrat emergjent të Qendrës Operative të Kryeqytetit: 0800 12233 dhe 12244.

Subscribe në YouTube: GAZETA INFOKUSI
A e dini ku janë ZBRITJET ma t’mdhaja për festën e Bajramit?
-Advertisement-

Të tjera

Fokusi

lajme